ស្ទឹងត្រែងៈ គ្រោះថ្នាក់ចរាចរណ៍មួយបានកើតឡើង រវាងម៉ូតូម៉ាក វ៉េវ បានបុកជាមួយនឹងរថយន្តម៉ាកហ៊ីយ៉ាន់ដាយ បណ្តាលឲ្យមនុស្ស២នាក់រងរបួសធ្ងន់។

ហេតុការណ៍នេះបានកើតឡើងកាលពីវេលាម៉ោង២រសៀល ថ្ងៃទី៦ ខែវិច្ឆិកា ឆ្នាំ២០១៧ ស្ថិតនៅចំណុចភូមិឃុំ ស្រែក្រសាំង ស្រុកសៀមបូក ខេត្តស្ទឹងត្រែង ។

សមត្ថកិច្ចបានឲ្យដឹងថា ជនរងគ្រោះទី១មានឈ្មោះ ចូច តុង ភេទប្រុស អាយុ១៦ឆ្នាំ និងទី២ឈ្មោះ នី ភីរុន ភេទប្រុស អាយុ១៦ឆ្នាំ អ្នកទាំង២ស្នាក់នៅភូមិអូរច្រឡង់ ឃុំអូរម្រះ ស្រុកសៀមបូក ត្រូវបានបងប្អូនបញ្ជូនទៅមន្ទីរពេទ្យខេត្តដើម្បីព្យាបាល។

បញ្ជាក់បន្ថែមថា ករណីគ្រោះថ្នាក់ចរាចរណ៍នេះ បានកើតឡើងរវាងម៉ូតូម៉ាក វ៉េវអាល់ហ្វា ជិះដោយយុវជនទាំង២នាក់ បានបុកជាមួយនឹងរថយន្តម៉ាក ហ៊ីយ៉ាន់ដាយ ពាក់ស្លាកលេខ ភ្នំពេញ 3A-9003 ដែលកំពុងជិះបញ្ច្រាសគ្នាបណ្តាលឲ្យដួលរងរបួសធ្ងន់ទាំង២នាក់តែម្តង។ ចំណែកអ្នកបើកបរថយន្ត បានចុះគេចខ្លួនបាត់ស្រមោល។​

ក្រោយកើតហេតុ សមត្ថកិច្ចបានចុះធ្វើការវាស់វែងនាំយករថយន្តនិងម៉ូតូទៅរក្សាទុកនៅអធិការដ្ឋាននគរបាលស្រុកសៀមបូក រង់ចាំដោះស្រាយគ្នាតាមច្បាប់បន្តទៀត៕