ព័ត៌មានជាទូទៅបានចុះផ្សាយថា ប្រព័ន្ធដំណើរការ Android ងាយឆ្លងមេរោគជាងគេ ដោយសារតែ Google បានបើកទ្វាសម្រាប់ក្រុម Developer ក៏ដូចជាបើកទ្វាសម្រាប់មេរោគផងដែរ។
របាយការណ៍ថ្មីរបស់ Symantec Internet Security Threat Report បានឲ្យដឹងថា បច្ចុប្បន្ននេះ ប្រព័ន្ធដំណើរការស្ទើតែទាំងអស់ ងាយឆ្លងមេរោគ ដោយសារតែអ្នកប្រើប្រាស់មិនបានប្រយ័ត្ន។ អ្នកប្រើភាគច្រើនតែងតែចូលទៅកាន់ Store នឹងចុចដំឡើងកម្មវិធីភ្លាម ដោយមិនបានគិត ឬពិនិត្យឲ្យបានច្បាស់ ជាពិសេសគឺ App ដែលមិនបានបញ្ចូលទៅក្នុង Store។ ចំណុចនេះហើយ បានធ្វើឲ្យមេរោគភាគច្រើនបន្លំខ្លួនជាមួយនឹងកម្មវិធីផ្សេងៗ ដែលមិនបានដាក់ចូលក្នុង Store ហើយត្រូវបានអ្នកប្រើចុចដំឡើង ដោយមិនបានសិក្សាពីកម្មវិធីនោះមុនពេលដំឡើង។
កាលពីឆ្នាំ២០១៣ កន្លងទៅនេះ មេរោគជាង ៨០ភាគរយ បាននាំគ្នាវាយលុយប្រព័ន្ធដំណើរការ Android ប៉ុន្តែមិនមានតួលេខនៃការខាតបង់នោះទេ។ តើ Android ងាយឆ្លងមេរោគជាង iOS ឬ? វាមិនមែនដូច្នោះទេ Symantec Internet Security Threat Report បានរកឃើញថា ប្រព័ន្ធដំណើរការ iOS ងាយរងគ្រោះជាង Android ទៅទៀត ហើយបើតាមឯកសារបញ្ជាក់ iOS រងការវាយប្រហារដល់ទៅ ៨១ភាគរយ បើធៀបនឹង Android មានតែ ១៣ភាគរយ។
គួរបញ្ជាក់ផងដែរថា អ្វីដែល ដំណឹងលើកយកមកចុះផ្សាយពេលនេះគឺចង់បញ្ជាក់ដល់អ្នកប្រើប្រាស់ស្មាតហ្វូនទាំងអស់មិនថា ប្រព័ន្ធដំណើរការនោះទេ គួរតែពិនិត្យ និងសិក្សាឲ្យបានច្បាស់មុននឹងចុចដំឡើងកម្មវិធីណាមួយចូលទូរស័ព្ទដៃ ជាពិសេសគឺកម្មវិធីដែលមិនមែននៅលើ Store៕
មតិយោបល់