ភ្នំពេញ: មានការប្រទះឃើញសពនារីកោសជប់ម្នាក់ បានដេកស្លាប់នៅក្នុងផ្ទះ ទាំងខ្លួនអាក្រាតកាយ និងមានកន្សែង ពណ៌ក្រហម រុំ.ក ថែមទៀតផង។

ហេតុការណ៍នេះបង្កការភ្ញាក់ផ្អើលកាលពីវេលាម៉ោង១និង៣០នាទីរសៀល ថ្ងៃទី៦ ខែវិច្ឆិកា ឆ្នាំ២០១៧ នៅចំណុចផ្លូវបេតុងលូ៥ ផ្ទះល្វែងលេខ២៧ ភូមិដំណាក់ធំ៥ សង្កាត់ស្ទឹងមានជ័យ៣ ខណ្ឌមានជ័យ រាជធានីភ្នំពេញ។

សពស្រ្តីរងគ្រោះមានឈ្មោះ ឆន ធឿន អាយុ៣៣ឆ្នាំ មុខរបរម៉ាស្សាកោសជប់ ស្នាក់នៅផ្ទះកើតហេតុខាងលើ មានស្រុកកំណើតនៅខេត្តពោធិ៍សាត់។

បើប្រភពព័ត៌មានពីអ្នកជិតខាងបានឲ្យដឹងថា នៅផ្ទះកើតហេតុ គឺមានស្ត្រី៣នាក់ប្រកបមុខរបរម៉ាស្សាកោសជប់ ហើយនៅថ្ងៃកើតហេតុគឺស្រ្តី២នាក់បានចេញទៅដើរកលេងបាត់ ទុកឲ្យស្រ្តីរងគ្រោះនៅតែម្នាក់ឯង លុះ ដល់វេលាម៉ោង៨ព្រឹក នារីរងគ្រោះបានខលទៅប្រាប់នារី២នាក់ដែលបានទៅដើរលេងនោះថា រូបនាងមិនស្រួលខ្លួនទេសូមបិទទ្វាសម្រាកហើយ លុះដល់ម៉ោងកើតហេតុខាងលើ មិនភក្តិបានត្រឡប់មកពីរដើរលេងវិញ ក៏បានបើទ្វាហើយបានដើរចូលទៅក្នុងបន្ទប់ ស្រាប់តែឃើញនារីរងគ្រោះដេកស្លាប់ទាំងខ្លួនអាក្រាតកាយ រួចបានស្រែកឆោឡោផ្អើលដល់អ្នកជិតខាង និងបានរាយការណ៍ទៅសមត្ថកិច្ចមូលដ្ឋាន។

ពេលដែលសមត្ថកិច្ចចុះទៅដល់ហើយនោះ មានអ្នកសារព័ត៌មានចុះទៅថតរូបផ្សព្វផ្សាយតែសមត្ថកិច្ចហាមមិនឲ្យអ្នកសារព័ត៌ម្នាក់ណាចូលទៅថតឡើយ ហាក់បីដូចជាមានការលាក់បាំង។

បច្ចុប្បន្នសមត្ថកិច្ចមូលដ្ឋាននិងសមត្ថកិច្ចជំនាញកំពុងធ្វើកោសល្យវិច័យនៅកន្លែងកើតហេតុ យ៉ាងណាមិញក្នុងករណីនេះគេសង្ស័យជាករណីឃាតកម្ម៕

https://youtu.be/sz1rSUuSsp8