កំពង់ស្ពឺៈ លោកវរសេនីយ៍ទោ សាយ ប៊ុនថន អធិការស្រុកភ្នំស្រួច បានប្រាប់ Post News ថា មានករណីលួចកាប់ដើមឈើធ្នុង កាលពីវេលាម៉ោង១១និង៣០នាទីយប់ ថ្ងៃទី៧ ខែវិច្ឆិកា ឆ្នាំ២០១៧ នៅចំណុចកន្ទួតចើត ភូមិទី៤ ឃុំត្រែងត្រយឹង ស្រុកភ្នំស្រួច ខេត្តកំពង់ស្ពឺ ។

ជនសង្ស័យចំនួន៣នាក់ មុខសញ្ញាដើរលួចកាប់ដើមឈើធ្នុង ទី១មានឈ្មោះ សេង ពុត ភេទប្រុស អាយុ៣៧ឆ្នាំ ស្នាក់នៅភូមិកាហែង ឃុំកាហែង ស្រុកសំរោងទង ខេត្តកំពង់ស្ពឺ,ទី២ឈ្មោះ វ៉ុន វ៉ាត ភេទប្រុស អាយុ២៧ឆ្នាំ ស្នាក់នៅភូមិពាមខ្វាវ ឃុំទំព័រមាស ស្រុកសំរោងទង ខេត្តកំពង់ស្ពឺ
និងទី៣ឈ្មោះ សាន់ វ៉ាន់ថៃ ភេទប្រុស អាយុ២៧ឆ្នាំ ភូមិពាមខ្វាវ ឃុំទំពរ័មាស ស្រុកសំរោងទង ខេត្តកំពង់ស្ពឺ។

ក្នុងនោះដកហូតវត្ថុតាងបាន រថយន្ត១គ្រឿង ម៉ាកតូរីស ពណ៌សំបកឪឡឹក ពាក់ស្លាកលេខ ភ្នំពេញ2I-6104។ ចំពោះរណាអារឈើត្រូវជនសង្ស័យខាងលើបោះចោលក្នុងព្រៃតែរកពុំឃើញ។

ចំពោះករណីខាងលើកម្លាំងជំនាញ កំពុងកសាងសំណុំរឿងចាត់ការតាមផ្លូវច្បាប់៕