កណ្តាល: ក្មេងប្រុសម្នាក់បានស្លាប់យ៉ាងអាណោចអាធ័ម ខណ:ដែលឪពុកបង្កើតរបស់ខ្លួន បើករេវិចទ័រលើកថ្ម ថយមិនប្រុងប្រយ័ត្ន បណ្តាលឲ្យកិនបែកក្បាលខ្ទេច។

ហេតុការណ៍គួរឲ្យរន្ធត់នេះបានកើតឡើងកាលពីវេលាម៉ោង៩ និង៥នាទី ថ្ងៃទី៩ ខែវិច្ឆិកា ឆ្នាំ២០១៧ នៅចំណុចខាងក្នុងសិប្បកម្មកាត់ថ្ម ភូមិកំពង់សំណាញ់ សង្កាត់កំពង់សំណាញ់ ក្រុងតាខ្មៅ ខេត្តកណ្តាល។

លោកវរសេនីយ៍ ស កែវពិសិដ្ឋ អធិការក្រុងតាខ្មៅ បានប្រាប់ឲ្យដឹងថា បង្កឡើងដោយរេវិទ័រ(ប្រភេទលើកថ្ម) ពណ៌លឿង អ្នកបើកបរឈ្មោះ ទូក ទ៊ំភេទប្រុស អាយុ៣១ឆ្នាំ មានទីលំនៅស្នាក់ក្នុងសិប្បកម្ម ស្ថិតនៅភូមិកំពង់សំណាញ់ សង្កាត់កំពង់សំណាញ់ ក្រុងតាខ្មៅ បានកិនកូនខ្លួនឯងស្លាប់ពេលដែលកំពុងបើករេវិទ័រក្រោយ មានឈ្មោះ ទ៊ំ សុខណា ភេទប្រុស អាយុ៣ឆ្នាំ ស្នាក់នៅជាមួយឪពុកនិងម្តាយ(ស្លាប់) ចំណែកសពត្រូវបាន
ក្រុមគ្រួសារដើម្បីធ្វើបុណ្យតាមប្រពៃណី។

មូលហេតុមកពី អ្នកបើកបររេវិទ័របើកថយក្រោយខ្វះការប្រុងប្រយ័ត្នទើបបណ្តាលឲ្យកិនកូនខ្លួនឯងស្លាប់តែម្តង៕