តាកែវៈ មានករណីបុរសម្នាក់ ឆក់ត្រី ចុះរាវត្រី បែរជាភ្លេចដកភ្លើងអាគុយចេញ បណ្តាលឲ្យឆក់ស្លាប់យ៉ាងអាណោចអាធ័ម។
ហេតុការណ៍នេះកើតឡើងនៅម៉ោង១១និង៥នាទីព្រឹក ថ្ងៃទី១០ ខែវិច្ឆិកា ឆ្នាំ២០១៧ ស្ថិតនីចំណុចភូមិក្រូច ឃុំពត់សរ ស្រុកបាទី ខេត្តតាកែវ។
សមត្ថកិច្ចបានឲ្យដឹងថា ជនរងគ្រោះដែលស្លាប់នេះមានឈ្មោះ សែម ឃឿន ភេទប្រុស អាយុ៤៨ឆ្នាំ ស្នាក់នៅក្នុងភូមិកើតហេតុខាងលើ បានទៅឆក់ត្រីខាងកើតភូមិរបស់ខ្លួន ដែលមានចម្ងាយពីផ្ទះ ១០០០ម៉ែត្រ ដោយបានជិះទូកទៅក្នុងបឹងតែម្នាក់ឯងដើម្បីដើរឆក់ត្រី ដោយភ្លើងអាគុយ លុះពេលចុះរាវរកត្រី បែរជាភ្លេចដកភ្លើងអាគុយ ក៏បណ្តាលឲ្យឆក់ស្លាប់តែម្តង។
ក្រោយកើតហេតុ សមត្ថកិច្ចបានចុះមកពិនិត្យ និងបានប្រគល់សពឲ្យក្រុមគ្រួសារធ្វើបុណ្យតាមប្រពៃណី៕
មតិយោបល់