កាលពីថ្ងៃអង្គារ ម្សិលមិញនេះ ក្រុមហ៊ុន Microsoft បានធ្វើការប្រកាសបង្ហាញនូវជំនាន់ថ្មីនៃ Windows 8 ដែលត្រូវបានគេស្គាល់ឈ្មោះថា “Windows Blue” ហើយវានឹងក្លាយទៅជា Windows 8.1។
យោងតាមសេចក្ដីប្រកាសបានឲ្យដឹងថា Windows Blue នឹងត្រូវបានផ្ដល់ជូនដោយឥតគិតថ្លៃសម្រាប់អតិថិជន។ ជំនាន់ថ្មីនេះ នឹងបានបង្ហាញខ្លួននៅក្នុងពេលឆាប់ៗនេះ ព្រោះថា ការដែល Microsoft បញ្ចេញវា ក៏ព្រោះតែ Windows 8 មានកំហុសឆ្គង និងមានអតិថិជនជាច្រើនមិនពេញចិត្ត។
អ្នកស្រី Tami Reller ប្រធានទីផ្សារ Windows 8 បានថ្លែងថា ប្រព័ន្ធដំណើរការថ្មីនេះ នឹងកាន់តែល្អប្រសើរជាងមុន ហើយអ្នកប្រើប្រាស់នឹងចេញចិត្តជាមិនខាន។
អ្នកស្រីបានបន្ថែមទៀតថា ការសាកល្បងលើ Windows 8.1 ត្រូវបានសាកល្បងរួចរាល់ហើយ ដូច្នេះវានឹងបង្ហាញខ្លួននៅចុងខែមិថុនា៕
ព័ត៌មានជាតិ
មតិយោបល់