លោក Mauricio Pochettino គ្រូបង្វឹករបស់ក្រុម Tottenham Hotspur អាចនឹងចាកចេញពីក្រុម រងជើងឯកមួយនេះ ប្រសិនបើមានការដោះដូរកើតឡើងរវាង ក្រុម Paris Saint Germain និង Manchester United ។

បើតាមការចុះផ្សាយរបស់ Express News បានឲ្យដឹងថា លោក Mauricio Pochettino នឹងមានជម្រើស២ ក្នុងការចាកចេញពីក្រុម មាន់ខ្នាយមាស Tottenam Hotspur នោះ។ ក្នុងនោះដែរ លោក Mauricio Pochettino កំពុងតែត្រូវបានក្លិបារាំង Paris Saint Germain ចុចឈ្មោះ ក្នុងការក្លាយជាគ្រូបង្វឹកថ្មី របស់ក្រុម​ Paris Saint Germain ជាមួយនឹងលោក Jose Mourinho និងលោក Antonio Conte ។ មួយវិញទៀត​នោះ លោក Mauricio Pochettino នឹងមានជម្រើសដ៍​ប្រសើរមួយទៀត គឺត្រូវទៅជំនួសតំណែងរបស់លោក Jose Mourinho នៅបីសាចក្រហម Manchester United ប្រសិនបើ គ្រូបង្វឹករូបនេះ ចាកចេញទៅកាន់ Paris Saint Germain នោះ។ ជាការពិតណាស់ លោក Mauricio Pochettino កំពុងតែក្លាយជាគ្រូបង្វឹកល្បីមួយ​ ក្នុងពិភពបាល់ទាត់ នាពេលបច្ចុប្បន្ននេះ ដោយ២រដូវកាលចុងក្រោយនេះ គ្រូបង្វឹកសញ្ជាតិអាហ្សង់ទីន រូបនេះ បានជួយក្រុម Totenham រងជើងឯក Premier League ២រដូវកាល​ជាប់គ្នា និងធ្វើឲ្យក្រុមមាន់ខ្នាយមាស មានប្រជាប្រិយភាព​យ៉ាងខ្លាំង។

ហេតុនេះហើយ សម្រាប់លោក Mauricio Pochettino មិនច្បាស់ថា លោកនឹងនៅបន្តដឹកនាំ ក្រុម​​ Tottenham ទៀតឡើយ ព្រោះថា បើលោកមិនទៅដឹកនាំ​ក្រុម Paris Saint Germain ទេនោះ លោកអាចនឹង​ដក​នាំក្រុមបីសាចក្រហម Manchester United ប្រសិនបើ មានការដោះដូរណាមួយកើតឡើង នៅខែមករាខាងមុខនេះ មែននោះ។