ភ្នំពេញៈ ស្ត្រីវយ័ក្មែងម្នាក់ រួមដំណើរនិងក្មេងៗបី បួន នាក់ទៀត បើករថយន្តស៊េរីទំនើបមួយគ្រឿង បត់ស្តាំខ្វះកាប្រុងប្រយត្ន័ បណ្តាលឲ្យកៀរថយន្តស៊េរីទំនើបមួយគ្រឿងទៀត រងការខូចខាតបន្តិចបន្តួចដូចគ្នា។

ហេតុការណ៍នេះកើតឡើងកាលពីវេលាម៉ោង១០និង៣០នាទីយប់ថ្ងៃទី១៨ ខែវិច្ឆិកា ឆ្នាំ២០១៧ ស្ថិតនៅតាមបណ្តោយផ្លូវ១៩៨៦ កែងនិងផ្លូវភ្នំពេញហាណូយ សង្កាត់ភ្នំពេញថ្មី ខណ្ឌសែនសុខ រាជធានីភ្នំពេញ។

យោងតាមប្រភពព័ត៌មានពីកន្លែងកើតហេតុបានឲ្យដឹងថា មុនកើតហេតុគេឃើញស្ត្រីវ័យក្មេងម្នាក់ រួមដំណើរនិងក្មេងៗបីបួននាក់ទៀត បើករថយន្តស៊េរីទំនើបមួយគ្រឿង ម៉ាកRANGE ROVER MINI ពណ៌ស ពាក់ស្លាកលេខ ភ្នំពេញ 2AE-4843 បើកបរតាមបណ្តោយផ្លូវ១៩៨៦ ទិសដៅពីកើតទៅលិច លុះមកដល់ចំណុចកើតខាងលើបានបត់ស្តាំដៃមកផ្លូវភ្នំពេញហាណូយ បានកៀរថយន្តមួយគ្រឿងម៉ាកMASDA ពណ៌ស ពាក់ស្លាកលេខ ភ្នំពេញ 2AG-3373 បើកបរដោយបុរសវយ័ក្មេងម្នាក់ស្របទិសដៅគ្នា អែបនៅខាងមុខខាងស្តាំបម្រុងបត់ស្តាំដៃដូចគ្នា បណ្តាលឲ្យរថយន្តMASDA បែកចង្កៀងខាងមុខខាងឆ្វេងដៃ ចំណែករថយន្តបង្កខូចខាតក្រោមទ្វាខាងក្រោយផ្នែកខាងស្តាំដៃបន្តិចបន្តួច តែមិនបង្កឲ្យមានអ្នករងរបួសនោះទេ។

ក្រោយកើតហេតុសមត្ថកិច្ចមូលដ្ឋាននិងជំនាញបានចុះមកដល់បានឲ្យភាគីទាំងសងខាងសម្របសម្រួលគ្នា ដោយខាងភាគីម្ចាស់រថយន្តបង្កចេញថ្លៃសំណងជួលជុលខាងម្ចាស់រថយន្តម៉ាស្តាទាំងអស់ដើម្បីបញ្ចប់រឿងនៅនឹងកន្លែងកើតហេតុ៕