ភ្នំពេញៈ បុរសម្នាក់បើករថយន្តកូរ៉េដឹកទឹកកក ជ្រុលបុករថយន្តរថយន្តហ្វត ស៊េរីទំនើប បណ្តាលឲ្យរងការខូចខាតបែកកាងខាងក្រោយមួយចំហៀងខាងស្តាំ។

ហេតុការណ៍នេះកើតឡើងកាលពីវេលាម៉ោង៩និង៣០នាទីយប់ថ្ងៃទី២២ ខែវិច្ឆិកា ឆ្នាំ២០១៧ នៅមុខហាងហ្គូដថេស តាមបណ្តោយផ្លូវលេខ១៤៦ កែងផ្លូវលេខ២៦១ ស្ថិតក្នុងសង្កាត់ទឹកល្អក់២ ខណ្ឌទួលគោក រាជធានីភ្នំពេញ។

មុនពេលកើតហេតុ គេបានឃើញរថយន្ត ហ្វតស៊េរីទំនើប ពណ៌ខ្មៅ ពាក់ស្លាកលេខ ភ្នំពេញ 2AF-4446 បើកបរដោយបុរសម្នាក់ និងមាននារីម្នាក់រួមដំណើរជាមួយ ធ្វើដំណើរតាមបណ្តោយផ្លូវលេខ១៤៦ ក្នុងទិសដៅពីកើតទៅលិច ខណៈមកដល់ចំណុចផ្លូវលេខ២៦១ ក៏បើកឆ្លងផ្លូវជិតផុត ស្រាប់តែមានរថយន្តកូរ៉ដឹកទឹកកក ពណ៌ខៀវ គ្មានស្លាកលេខ បើកបរដោយបុរសម្នាក់ ធ្វើដំណើរតាមបណ្តោយផ្លូវលេខ ២៦១ ក្នុងទិសដៅពីជើងទៅត្បូង បត់បំណងទៅខាងលិចតាមផ្លូវលេខ១៤៦ ក៏ជ្រុលបុករថយន្តហ្វតស៊េរីទំនើប ពីចំហៀងបណ្តាលឲ្យរងកាខូចខាតការខាងកាងខាងក្រោយតែម្តង។

ក្រោយពេលកើតហេតុ ភាគីទាំងសងខាង បានសម្របសម្រួលគ្នាដោយភាគីខាងរថយន្តកូរ៉េចេញថ្លៃជួសជុលដើម្បីបញ្ចប់រឿងនៅកន្លែងកើតហេតុ៕

https://youtu.be/Kea-BKE0V4o