ភ្នំពេញៈ បុរសម្នាក់ដែលគេស្គាល់ថាគាត់គឺជាកីឡាករបស់កីឡាប្រដាល់គុណខ្មែរម្នាក់ បានបើករថយន្តកូរ៉ូឡា ហើយឈប់បើកទ្វារថយន្ត ចៃដន្យមានម៉ូតូមួយគ្រឿងជិះមកក៏បានប៉ះបណ្តាលឲ្យដួលរងរបួសស្រាល ។

ហេតុការណ៍នេះកើតឡើងកាលពីវេលាម៉ោង ១២និង៣០នាទីរំលងអធ្រាត្រឈានចូលថ្ងៃទី២៤ ខែវិច្ឆិកា ឆ្នាំ២០១៧ ស្ថិតនៅតាមបណ្តោយផ្លូវ ១៧២ សង្កាត់ផ្សាថ្មីទី៣ ខណ្ឌដូនពេញ រាជធានីភ្នំពេញ។

តាមប្រភពព័ត៌មានពីកន្លែងកើតហេតុបានឲ្យដឹងថា មុនពេលកើតហេតុ គេឃើញរថយន្តមួយគ្រឿងម៉ាកកូរ៉ូឡា ពណ៌ស ពាក់ស្លាកលេខ ភ្នំពេញ 2AO-0371 បើកបរដោយបុរសម្នាក់ដែលជាកីឡាករប្រដាល់គុណខ្មែរម្នាក់បម្រុងនឹងបត់ចូលជូរស៊ីបារ តែដោយសារតែខាងមុខនឹងទើសម៉ូតូ ក៏បានឈប់នៅនឹងផ្លូវ ដើម្បីចុះទៅប្រាប់សន្តិសុខឲ្យសារ៉េម៉ូតូចេញយករថយន្តចូល តែពេលបើកទ្វារថយន្តមក ចៃដន្យមានម៉ូតូមួយគ្រឿងម៉ាកឌ្រីមសង់សេ១២៥ ស៊េរីឆ្នាំ២០១១ ពាក់ស្លាកលេខ ភ្នំពេញ 1BB-6704 បើកបរដោយបុរសម្នាក់គាត់កំពុងវ៉ា ត្រូវបុរសខាងលើបើកទ្វាមកប៉ះ បណ្តាលឲ្យដួលរងរបួសជើង ភ្លាមៗនោះគាត់ក៏បានបញ្ជាក់ដែរថា បានចុះមកជួយលើកហើយសូមទោសខាងម៉ូតូដែល តែភាគីខាងម៉ូតូមិនព្រមនិយាយជាមួយ ក៏ខ្លួនដើរចូលបារធ្វើមិនដឹង។

ក្រោយពេលកើតហេតុសមត្ថកិច្ចមូលដ្ឋានក៏បានចុះមកដល់ហើយក៏ភាគីខាងរថយន្តបានចេញមកនិយាយគ្នាមួយសន្ទុះ ក៏បានឲ្យ២០ដុល្លារទៅខាងភាគីម្ចាស់ម៉ូតូដើ ម្បីយកទៅលាងរបួសនិងបញ្ចប់រឿងនៅកន្លែងកើតហេតុតែម្តង៕

https://youtu.be/TpVWtKzA0tQ