ស្ទឹងត្រែងៈ ករណីគ្រោះថ្នាក់ចរាចរណ៍មួយ បានកើតឡើង រវាងម៉ូតូនិងម៉ូត បណ្តាលឲ្យភាគីទាំងសងខាងរងរបួសធ្ងន់ស្រាលចំនួន៤នាក់។

ហេតុការណ៍នេះ បានកើតឡើង កាលពីវេលាម៉ោង៩និង៣៥នាទីយប់ ថ្ងៃទី២៤ ខែវិច្ឆិកា ឆ្នាំ២០១៧ នៅត្រង់ចំណុចត្រពាំងម្សៅ លើផ្លូវជាតិលេខ៩ ស្ថិតក្នុងភូមិឆ្វាំង ឃុំសំអាង ស្រុកថាឡាបរីវ៉ាត់ ខេត្តស្ទឹងត្រែង។

ម្ចាសម៉ូតូវ៉េវ មានឈ្មោះ ភាព វឌ្ឍន៍ ភេទប្រុស អាយុ២៥ឆ្នាំ ជនជាតិខ្មែរ មុខរបរកសិករបើកម៉ូតូមួយគ្រឿងម៉ាកវ៉េវ ពណ៌ខ្មៅ គ្នានស្លាកលេខ និងម្ចាស់ម៉ូតូសង់ ឈ្មោះ ខ្វានចៅតាឡុត ភេទប្រុស អាយុ២៥ឆ្នាំ ជនជាតិខ្មែរ មុខរបរកសិករ បើកម៉ូតូមួយគ្រឿងម៉ាកហុងដាសេ១២៥ សេរី២០០២ ពណ៌ក្រហម គ្នានស្លាកលេខ ទាំងពីរស្នាក់នៅភូមិឃុំកើតហេតុខាងលើ។

ប្រភពដដែល បានបន្តថា មុនពេលកើតហេតុ គេឃើញម៉ូតូទាំងពីរគ្រឿង បានធ្វើដំណើរបញ្រ្ចាសទិសគ្នា ហើយម៉ូតូទាំងពីរគ្រឿងគ្មានភ្លើងនិងកញ្ចក់ ព្រមទាំងមានផ្ទុកជាតិស្រវឹងថែមទៀត ទើបបង្កឲ្យបុកគ្នាពេញទំហឹង បណ្តាលឲ្យរងរបួសធ្ងន់ចំនួន៣នាក់ និងស្រាលម្នាក់។

ក្រោយកើតហេតុ សមត្ថកិច្ចបាននាំយកវត្ថុតាង មករក្សាទុកនៅអធិការដ្ឋាននគរបាលស្រុក ដើម្បីធ្វើការដោះស្រាយគ្នាតាមផ្លូវច្បាប់៕