អង់គ្លេស: ប៉ូលិសបានប្រញាប់ប្រញាល់ ទៅកាន់ផ្សារទំនើប Oxford Street នៅទីក្រុងឡុងដ៍ ក្រោយទទួលបានដំណឹងថា មានករណីបាញ់ប្រហារមួយ បានបង្កឲ្យមានការភ័យខ្លាចថា ជាការវាយប្រហារភេរវកម្ម ខណ:ដែលមនុស្ស ១៦ នាក់ បានរងរបួស ដោយសារការភ័យស្លន់ស្លោរត់ជាន់គ្នា។ នេះបើយោងតាមសារព័ត៌មាន Channel News Asia ចេញផ្សាយនៅថ្ងៃទី២៥ ខែវិច្ឆិកា ឆ្នាំ២០១៧។
ក្រោយពីការបិទផ្លូវចេញចូល ទៅកាន់តំបន់កើតហេតុ អស់រយ:ពេលជាងមួយម៉ោង ក្រុមប៉ូលិសបាននិយាយ ពួកគេមិនបានរកឃើញភស្តុតាងសង្ស័យណាមួយថា ករណីនេះជាការបាញ់ប្រហារ ឬការបង្ករបួសទ្បើយ។
ដោយប៉ូលិស បានអះអាងថា ហេតុការណ៍ភ្ញាក់ផ្អើលនេះ បានចាប់ផ្តើមដោយសារតែមានការឈ្លោះប្រកែកគ្នាខ្លាំង រវាងបុរស២នាក់ នៅស្ថានីយរថភ្លើងក្រោមដី Oxford Circus ប៉ុណ្ណោះ ទើបបង្កឲ្យប្រជាជនមានការភ័យខ្លាចរឿងសន្តិសុខ៕
មតិយោបល់