ភ្នំពេញៈ បុរសម្នាក់ស្រវឹងជិះម៉ូតូស្កុបពីមួយគ្រឿងរួមដំណើរជាមួយនារីម្នាក់បើកក្នុងល្បឿនលឿនពេក ហើយក៏មានរថយន្តបត់ចូលផ្លូវ៦០ម៉ែត្រក៏ម៉ូតូវ៉ាក់អឺចាប់ហ្រ្វាំងរអិលបោកម៉ូតូអូសចូលក្រោមរថយន្តតែសំណាងល្អរងរបួសស្រាលទាំង២នាក់ ។

ហេតុការណ៍នេះកើតឡើងការពីវេលាម៉ោង១និង៥០នាទីរំលងអាធ្រាត្រឈានចូលថ្ងៃទី ២៦ ខែ វិច្ឆិកា ឆ្នាំ ២០១៧ ស្ថិតនៅតាមបណ្តោយផ្លូវ ២៧១ កែងផ្លូវ៦០ម៉ែត្រ សង្កាត់ចាក់អង្រែលើ ខណ្ឌមានជ័យ រាជធានីភ្នំពេញ។

តាមប្រភពព័ត៌មានពីកន្លែងកើតហេតុបានឲ្យដឹងថា មុនពេលកើតហេតុគេឃើញរថយន្តមួយគ្រឿង ម៉ាកហ៊ីយ៉ាន់ដាយ ប្រភេទដឹកទំនិញ ធុនតូចមួយគ្រឿង ពណ៌ខៀវ ពាក់ស្លាកលេខ ភ្នំពេញ2R-8875 បើកបរដោយបុរសម្នាក់រួមដំណើរជាមួយបុរសម្នាក់ទិសដៅពីលិចទៅកើតតាមបណ្តោយផ្លូវ២៧១បួងចង្កូតបត់ ហើយស្រាប់តែមានម៉ូតូមួយគ្រឿង ម៉ាកស្កុបពី ពណ៌ស មួយគ្រឿង ពាក់ស្លាកលេខ ភ្នំពេញ1FC-6776 បើកទិសដៅស្របគ្នាបើកបរដោយបុរសម្នាក់ស្រវឹងរួមដំណើរជាមួយនារីម្នាក់ក្នុងល្បឿនលឿនពេកចាប់ហ្វ្រាំងបោកអូសម៉ូតូដួលចូលក្រោមរថយន្តដែលកំពុងតែបត់ចូលផ្លូវ៦០ម៉ែត្ររងរបួសស្រាល២នាក់។

ក្រោយពេលកើតហេតុ សមត្ថកិច្ចមូលដ្ឋានបានចុះមកដល់ឲ្យធ្វើការដោះស្រាយគ្នាតែខាងភាគីខាងម៉ូតូមិនព្រមដោះស្រាយនិយាយមិនចង់ចេញពីព្រោះតែស្រវឹងពេកហើយក៏មានរថយន្តមួយគ្រឿងជាសាច់ញាតិដឹកភាគីខាងម៉ូតូទាំង២យកទៅបាត់ ហើយសមត្ថកិច្ចមូលដ្ឋានបានទាក់ទងទៅសមត្ថកិច្ចជំនាញចរាចរណ៍ខណ្ឌឲ្យមកធ្វើការវាស់វែងយករថយន្តនឹងម៉ូតូយកទៅរក្សាទុកនៅអធិការដ្ឋាននគរបាលខណ្ឌមានជ័យដើម្បីដោះស្រាយទៅតាមនិតិវិធីច្បាប់៕
https://youtu.be/kKx_kGiutxU