​ឧត្តរមានជ័យៈ លោកនាយរងប៉ុស្តិ៍ព្រះប្រឡាយ បានប្រាប់Post Newsថា មានករណីគ្រោះថ្នាក់ចរាចរណ៍មួយ រវាងម៉ូតូMSX បានបុកជាមួយនឹងគោយន្តចំពីក្រោយពេញទំហឹង បណ្តាលឲ្យបុរសវ័យ២៦ឆ្នាំ របួសធ្ងន់បាក់ជើង បញ្ជូនទៅសង្គ្រោះបន្ទាន់នៅមន្ទីរពេទ្យ។

ហេតុការណ៍នេះបានកើតឡើងកាលពីវេលាម៉ោង៣និង៣០នាទី រសៀលថ្ងៃទី២៥ ខែវិច្ឆិកា ឆ្នាំ២០១៧ ស្ថិតនៅតាមបណ្តោយ ផ្លូវជាតិលេខ១៧៤ ចន្លោះគីឡូម៉ែត្រលេខ ២៤-២៥ ភូមិត្រាំចាន ឃុំព្រះប្រឡាយ ស្រុកត្រពាំងប្រាសាទ ខេត្តឧត្តរមានជ័យ ។

គ្រោះថ្នាក់នេះ គឺបណ្តាលមកពីក្រុមម៉ូតូជិះទេសចរណ៍ខាងលើ ធ្វើដំណើរមកពីស្រុកអន្លង់វែង ទៅស្រអែម លុះដល់ចំណុចកើតហេតុ ដោយបើកបរក្នុងល្បឿនលឿនពេក ក៏ជ្រុលទៅបុកគោយន្តចំពីក្រោយពេញទំហឹង របួសធ្ងន់បែបនេះតែម្តង ។ចំណែកគោយន្តបានជិះគេចបាត់ពីកន្លែងកើតហេតុ។

ក្រោយកើតហេតុ សមត្ថកិច្ចបានធ្វើការវាស់វែង យកទៅរក្សាទុកនៅអធិការដ្ឋាននគរបាលស្រុក រង់ចាំជនរងគ្រោះមកទទួលយកទៅវិញ៕