ភ្នំពេញៈ អគ្គិភ័យបានឆាបឆេះកាកសំណល់ប្រេងឆៅនៅវាលស្មៅមួយកន្លែង ក្រោយបុរីពិភពថ្មីយ៉ាងសន្ធោសន្ធៅ បង្កការភ្ញាក់ផ្អើលដល់ប្រជាពលរដ្ឋនិងសមត្ថកិច្ចហៅរថយន្ដពន្លត់អគ្គិភ័យមកអន្ដរាគមន៍បាញ់ពន្លត់។

ហេតុការណ៍នេះបង្កការភ្ញាក់ផ្អើលកាលពីវេលាម៉ោង១និង៤០ នាទីរសៀលថ្ងៃទី២៧ ខែវិច្ឆិកាឆ្នាំ២០១៧ នៅក្រោយបុរីពិភពថ្មី ភូមិថ្មី សង្កាត់ដង្កោ ខណ្ឌដង្កោ ។

បើតាមប្រភពព័ត៌មានពីប្រជាពលរដ្ឋបានប្រាប់អោយដឹងថា មុនពេលកើតហេតុ មានជាងផ្សារដែកក្នុងបុរីពិភពថ្មីកំពុងផ្សារដំបូលសំយ៉ាប មិនបានប្រយ័ត្នបណ្ដាលអោយធ្លាក់កម្ទេចធុកផ្សារមកលើស្មៅនៅក្រោយដីឡូត៍ដែលទុកចោល ហើយត្រូវបានថៅកែផលិតប្រេងឆៅយកកាកសំណល់មកចោលនៅក្នុងដីឡូរនេះ ធ្វើអោយឆាបឆេះហើយរាលដល់កាកសំណល់ប្រេងឆៅដែលគេផលិតរួចយកទៅដាក់ទុកចោលនៅលើស្មៅយ៉ាងសន្ធោសន្ធៅបង្កការភ្ញាក់ផ្អើលដល់ប្រជាពលរដ្ឋនិងសមត្ថកិច្ចទាក់ទងទៅរថយន្ដពន្លត់មកអន្ដរាគមន៍បាញ់ពន្លត់ភ្លាមៗតែម្ដង ។

នៅក្នុងអគ្គិភ័យឆាបឆេះនេះដែលមានរថយន្ដអគ្គីភ័យ៥គ្រឿង បានប្រើទឹកអស់២គ្រឿង ទើបរលត់ទៅវិញជាស្ថារព៕
https://youtu.be/F-HqPd_LCR4