កណ្តាលៈ គ្រោះថ្នាក់ចរាចរណ៍មួយបានកើតឡើង បង្ករអោយមានការភ្ញាក់ផ្អើលទាំងព្រឹក បណ្តាលអោយមនុស្ស៣នាក់រងរបួសធ្ងន់ និងស្រាល ខណៈដែលរថយន្ត កុងតឺន័របើកបុករថយន្តFusoធ្លាក់ដែកមកសង្កត់លើ។

ហេតុការណ៍គ្រោះថ្នាក់ចរាចរណ៍នេះបានកើតឡើងកាលពីវេលាម៉ោង៦និង៣០នាទី ថ្ងៃទី២៩ ខែវិច្ឆិកា ឆ្នាំ២០១៧
នៅចំណុចខាងមុខផ្ទះលោក ឃឹម គុម្ភៈ លើផ្លូវលេខ១១៥ភូមិតាក្តុលត្បូង សង្កាត់តាក្តុល ក្រុងតាខ្មៅ ។

បើតាមនគរបាលចរាចរណ៍ក្រុងតាខ្មៅបានប្រាប់អោយដឹងថា បង្កឡើងដោយរថយន្តសណ្តោងស៊ឺមីរ៉ឺម៉កមួយគ្រឿងម៉ាកFUSO ពណ៌ខៀវខ្ចី ស្លាកលេខ ភ្នំពេញ3A-3873 អ្នកបើកបរឈ្មោះ ស៊ិន សាន ភេទប្រុស អាយុ២៩ឆ្នាំ ភូមិភ្នៅ ឃុំតាសួគ៌ស្រុកស្វាយជ្រុំ ខេត្តស្វាយរៀង (រងរបួសធ្ងន់)។បើកបរក្នុងទិសដៅពីកើតទៅលិចក៏បានបុកជាមួយរថយន្តមួយគ្រឿងម៉ាកHYUNDAI FORTER ពណ៌ខៀវ ពាក់ស្លាកលេខ កណ្តាល2A-7745(មានដឹកដែកសម្រាប់ធ្វើរោង)អ្នកបើកបរឈ្មោះ ម៉ម ម៉ារ៉ា ភេទប្រុស អាយុ៣៥ឆ្នាំ នៅភូមិព្រែកថ្លឹង សង្កាត់ព្រែកកំពិស ខណ្ឌដង្កោ រាជធានីភ្នំពេញ(មិនរងរបួសទេ)បើកបររថយន្តក្នុងទិសដៅពីលិចមកកើត។បន្ទាប់ពីរថយន្តទាំង២គ្រឿងបានបុកគ្នា រួចស្រាប់តែដែកសម្រាប់ធ្វើរោងដែលនៅលើរថយន្តHYUNDAI FORTERនោះបានខ្ទាតទៅត្រូវអ្នកបើកបរម៉ូតូមានឈ្មោះគ្រី ថា រ៉ាន់ ភេទស្រី អាយុ២៥ឆ្នាំ នៅភូមិបាគូ សង្កាត់ដង្កោ ខណ្ឌដង្កោ រាជធានីភ្នំពេញ(រងរបួសស្រាល) និងមានអ្នករួមដំណើរជាមួយម្នាក់ឈ្មោះ គ្រី ផាន់នី ភេទស្រី អាយុ២៣ឆ្នាំ នៅភូមិថ្មី ឃុំពោធិ៍បាន ស្រុកកោះធំ(រងរបួសធ្ងន់) ចំពោះអ្នករងរបួសទាំងអស់ត្រូវបានរថយន្តសង្គ្រោះរបស់ស្នងការដ្ឋាននគរបាលខេត្តកណ្តាលដឹកទៅមន្ទីរពេទ្យបង្អែកជ័យជំនះ។

មូលហេតុមកពី អ្នកបើកបររថយន្តFUSOបើករំលោភចូលចំណែកផ្លូវរបស់រថយន្តHYUNDAI FORTER ៕
https://youtu.be/VEixcABpDQ4