(ខេត្តព្រះសីហនុ)៖កាលពីរសៀល ថ្ងៃទី៩ ខែមេសា ឆ្នាំ២០១៦ លោក សុខ ផន អភិបាលរង ខេត្តព្រះសីហនុ បានដឹកនាំកម្លាំងសមត្ថកិច្ចចម្រុះ ចុះរុះរើតូបលក់ដូរ នៅក្នុងបរិវេណដី អតីត:ក្រុមហ៊ុនអារីស្តុន នៅឆ្នេរអូរឈើទាល ចំនួន ៥៨តូប គួរឱ្យសាទរ។

តូបទាំងអស់នោះ សុទ្ធជាតូបលក់ចំណីអាហារ មិនមានរបៀបរៀបរយ ត្រង់ចំណុចជាប់ឆ្នេរសមុទ្ រនៅខាងមុខដី (អតីត:អារីស្តុនចាស់) ស្ថិតក្នុងសង្កាត់៤ ក្រុង-ខេត្តព្រះសីហនុ។

លោក សុខ ផន អភិបាលរងខេត្តព្រះសីហនុ បានឲ្យដឹងថា ការចុះរុះរើសំណង់តូបលក់ដូរខាងលើនេះ គឺត្រូវបានធ្វើឡើង ទៅតាមគោលការណ៍របស់ប្រមុខរាជរដ្ឋាភិបាល ក្នុងការស្តារអភិវឌ្ឍន៍តំបន់ឆ្នេរឡើងវិញ ដើម្បីទុកជាសម្បត្តិបម្រើឲ្យផលប្រយោជន៍សាធារណ:។

ជាពិសេស សម្រាប់ដំណើរកម្សាន្តរបស់ភ្ញៀវជាតិ-អន្តរជាតិ នាឱកាសបុណ្យចូលឆ្នាំប្រពៃណីជាតិ ដែលខិតជិតចូលមកដល់ នាពេលដ៍ខ្លីខាងមុខនេះ៕