ភ្នំពេញ: កម្លាំងសមត្ថកិច្ចខណ្ឌពោធិ៍សែនជ័យ ឆែកអាវុធជាតិផ្ទុះនិងច្បាប់ចរាចរណ៍ ឃាត់ខ្លួនជនជាតិអាហ្រ្វិកម្នាក់រួមនឹងស្រីខ្មែរម្នាក់ ដកហូតបានកញ្ឆាមួយកញ្ចប់ធំល្មម បញ្ជូនទៅផ្នែកព្រហ្មទណ្ឌ។
ហេតុការណ៍នេះបានកើតឡើងកាលពីវេលាម៉ោង ៨និង២០នាទីយប់ ថ្ងៃទី៧ ខែធ្នូ ឆ្នាំ២០១៧ នៅចំណុចមុខផ្សារសេនឃ្យូរីផ្លាស្សា ស្ថិតតាមបណ្តោយផ្លូវសហព័ន្ធរុស្ស៊ី ភូមិតាងួន សង្កាត់កាកាប១ ខណ្ឌពោធិ៍សែនជ័យ។
ជនសង្ស័យជនជាតិអាហ្រ្វិកកា ឈ្មោះ chi boy ភេទប្រុស អាយុ២១ឆ្នាំ មុខរបរទេសចរ ស្នាក់នៅផ្ទះសំណាក់ ច័ន្ទពេញវង្ស ស្ថិតនៅសង្កាត់ទឹកថ្លាខណ្ឌសែនសុខ រាជធានីភ្នំពេញ។ ចំណែកឯស្ត្រីខ្មែរម្នាក់ឈ្មោះចាន់ លីន ភេទស្រីអាយុ២០ឆ្នាំ ស្នាក់នៅផ្ទះសំណាក់ច័ន្ទពេញវង្ស សង្កាត់ទឹកថ្លាខណ្ឌសែនសុខ មានស្រុកកំណើតនៅដីក្រហមឃុំតាសាន ស្រុកកម្រៀង ខេត្តបាត់ដំបង ។ ជនសង្ស័យទាំង២នាក់ខាងលើជិះម៉ូតូម៉ាក អ៊ែប្លេក ពណ៌ខ្មៅពាក់ស្លាកលេខ ភ្នំពេញ GN-8185 ។
មុនដំបូងឡើយ កម្លាំងសមត្ថកិច្ចចម្រុះខណ្ឌពោធិ៍សែនជ័យ បានឃាត់ជនសង្ស័យជនជាតិអាហ្រ្វិកកា និងនារីខ្មែរម្នាក់ដែលកំពុងជិះម៉ូតូម៉ាក អ៊ែប្លែក មួយគ្រឿង ដែលរក្សាទុក កញ្ឆាមួយកញ្ចប់ធំល្មម នៅក្នុងកាបូបដៃនារីខាងលើ ហើយបញ្ជូនទៅផ្នែកព្រហ្មទណ្ឌខណ្ឌពោធិ៍សែនជ័យភ្លាមៗផងដែរ។
ក្រោយពីសាកសួរ ពួកគេសារភាពថា កញ្ឆានៅក្នុងកាបូបដៃរបស់ខ្លួនជារបស់ប្តីរបស់នាង ហើយនាងបានបញ្ជាក់ទៀតថា ជនបរទេសខាងលើតែងជក់កញ្ឆាជាទម្លាប់ទៅហើយ ហើយរូបនាងបានបន្តទៀតថារូបនាងបាន ទំនាក់ទំនងជាមួយជនបរទេសខាងលើបានប្រមាណ៣ខែមកហើយដោយឆាតតាមហ្វេសបុក និងមានផ្ទៃពោះចំនួន២ខែទៀតផង តែមិនបានការឫសែនតាមប្រពៃណីឡើយ គឺយកគ្នាជាប្តីប្រពន្ធដោយចិត្តឯង ។
បច្ចុប្បន្នសមត្ថកិច្ចកំពុងកសាងសំណុំរឿងបញ្ជូូនខ្លួនទៅកាន់តុលាការចាត់ការតាមនីតិវិធីច្បាប់បន្តទៀត៕
មតិយោបល់