ព្រះសីហនុៈ មានករណីគ្រោះថ្នាក់ចរាចរណ៍គួរឲ្យរន្ធត់មួយបានកើតឡើង ដោយមានយុវជនជាសិស្សវិទ្យាល័យវាលរេញ បានជិះម៉ូតូម៉ាក Zoomer-X ពណ៌ខ្មៅ គ្មានស្លាកលេខ ឌុបគ្នាក្នុងល្បឿនលឿនដល់ផ្លូវកោងក៏ជ្រុលចង្កូតធ្លាក់ផ្លូវបណ្តាលឲ្យស្លាប់ម្នាក់យ៉ាងអាណោចអាធ័ម។
ហេតុការណ៍នេះកើតឡើងនៅម៉ោង៥ល្ងាច ថ្ងៃទី១៦ ខែធ្នូ ឆ្នាំ២០១៧ ស្ថិតនៅចំណុចផ្លូវជាតិលេខ៣ ចន្លោះគីឡូម៉ែត្រ ១៨៨-១៨៩ ភូមិកំពង់ចិន ឃុំទឹកថ្លា ស្រុកព្រៃនប់ ខេត្តព្រះសីហនុ។
អ្នកដែលស្លាប់មានឈ្មោះ សាន់ វ៉ាន់ឌី ភេទ ប្រុស អាយុ ១៤ឆ្នាំ ជាសិស្សថ្នាក់ទី១១ នៅវិទ្យាល័យវាលរេញ មានទីលំនៅភូមិបឹងវែង ឃុំវាលរេញ ស្រុកព្រៃនប់ ខេត្តព្រះសីហនុ ស្លាប់ក្រោយបញ្ជូនមកសង្រ្គោះគ្លីនិកឯកជនវាលរេញ ចំណែកមិត្តភក្តិផ្សេងទៀតរបួសស្រាល ៕
មតិយោបល់