ភ្នំពេញៈ ហេតុការណ៍ភ្ញាក់ផ្អើលមួយបានកើតឡើង បន្ទាប់ពីមានបុរសម្នាក់ សង្ស័យខ្យល់គ បានដួលសន្លប់នៅសួនច្បារខាងមុខណាហ្គាវើល ផ្អើលដល់ប្រជាពលរដ្ឋនិងសមត្ថកិច្ចហៅរថយន្តសង្គ្រោះមកដឹកយកទៅសង្គ្រោះនៅមន្ទីរពេទ្យ។
ករណីនេះកើតឡើងនៅម៉ោង៤ និង ៤៥នាទីរសៀល ថ្ងៃទី១៧ ខែធ្នូ ស្ថិតក្នុងសង្កាត់ទន្លេបាសាក់ ខណ្ឌចំការមន។
បុរសខាងលើនេះមិនត្រូវបានគេស្គាល់ពីអត្តសញ្ញាណនោះទេ សង្ស័យជាជនជាតិចិន ដោយមានលុយចំនួន៤៣៨ដុល្លារ និងលុយខ្មែរចំនួន៣៣, ៣០០រៀល និងទូរស័ព្ទដៃម៉ាកសាំស៊ុង ១គ្រឿងនៅក្នុងកាបូបត្រូវបានសមត្ថកិច្ចរក្សាទុក រួចបញ្ជូនទៅសង្គ្រោះបន្ទាន់នៅមន្ទីរពេទ្យកាល់ម៉ែត្រ៕
មតិយោបល់