ពោធិ៍សាត់ៈ មានករណីបុរសម្នាក់ បានរបួសធ្ងន់ក្រោយពីបាននាំគ្នាបណ្ដើរឆ្កែដើររកសត្វតាមព្រៃភ្នំ ក៏ត្រូវគ្រាប់កាំភ្លើងមួយគ្រាប់ កាលពីល្ងាចថ្ងៃទី២២ ខែធ្នូ ឆ្នាំ២០១៧ នៅចំណុចតំបន់ក្នុងព្រៃជ្រលង ភ្នំគោ ស្រុកក្រគរ ខេត្តពោធិ៍សាត់ ។
ជនរងគ្រោះឈ្មោះ សុខ ធឿន ភេទប្រុស អាយុ២៤ឆ្នាំ រស់នៅភូមិអន្សក្តាម ឃុំស្នាអន្សា ស្រុកក្រគរ ខេត្តពោធិ៍សាត់ របួសចំដើមទ្រូងធ្លាយបញ្ឆិតក្រោមដោះខាងឆ្វេង។
មុនកើតហេតុពួកគេបាននាំគ្នាបណ្ដើរឆ្កែរកសត្វ លុះទៅដល់ចំណុចកើតហេតុស្រាប់តែឮស្នូរសម្លេងផ្ទុះអាវុធមួយគ្រាប់នៅលើកំពូលភ្នំល្វើយៗ ខណៈនោះស្រាប់តែក្រឡេកមើលមកជនរងគ្រោះ មានរបួសតែម្តង ត្រូវបានបញ្ជូនទៅមន្ទីរពេទ្យបង្អែកខេត្តពោធិ៍សាត់ដើម្បីសង្គ្រោះព្យាបាល ហើយករណីនេះមិនមែនជាការលួចបាញ់អ្វីនោះទេ គឺកើតឡើងជាយថាហេតុ៕
មតិយោបល់