ពោធិ៍សាត់ៈ សមត្ថកិច្ចបានឃាត់ខ្លួនជនសង្ស័យម្នាក់ ពាក់ព័ន្ធនឹងករណីហិង្សាដោយចេតនា បន្ទាប់ពីបានវាយនឹងដំបងនិងកាប់ទៅលើបុរសម្នាក់ បង្កឲ្យរបួសធ្ងន់ធ្ងរ។

ហេតុការណ៍នេះបានកើតឡើង កាលពីថ្ងៃទី៣១ ខែធ្នូ ឆ្នាំ២០១៧ វេលាម៉ោង១០និង៥០នាទីយប់ នៅម្តុំផ្លូវរថភ្លើង​ ភូមិដើមច្រេស ស្រុកបាកាន ខេ្តតពោធិ៍សាត់។

ជនរងគ្រោះមានឈ្មោះ នី កោន ភេទប្រុស អាយុ២២ឆ្នាំ និងជនសង្ស័យមានឈ្មោះ ប្រាក់ គឹមលី ភេទប្រុស អាយុ២២ឆ្នាំ ទាំង២នាក់ស្នាក់នៅភូមិឃុំកើតហេតុ។

មុនពេលកើតហេតុ ក្រុមក្មេងទំនើងនិងជនសង្ស័យបានដេញវាយគ្នា នៅម្តុំផ្លួវរថភ្លើង លុះមកដល់ផ្ទះរបស់ឈ្មោះ បា្រក់ សឿម ហៅវ៉ិត ភេទប្រុស អាយុ៤៤ឆ្នាំ ខណៈនោះស្រាប់តែជនរងគ្រោះបានរត់ចុះមកពីលើផ្ទះ ក៏ត្រូវបានជនសង្ស័យវាយ១ដំបងនិងកាប់ចំកែងដៃ បណ្តាលឲ្យរបួសធ្ងន់ធ្ងរតែម្តង រួចបញ្ជូនទៅសង្រ្គោះនៅមន្ទីរពេទ្យ។

បច្ចុប្បន្ន ជនសង្ស័យនិងវត្ថុតាងនាំមករក្សាទុក នៅអធិការដ្ឋាននគរបាលស្រុក ដើម្បីដោះស្រាយបន្តតាមផ្លូវច្បាប់៕