Post News Media ព័ត៌មានជាតិ រថយន្តនិងម៉ូត...

រថយន្តនិងម៉ូតូសណ្តោងរម៉កសាកកម្លាំងគ្នា ជ្រុលទៅបុកឌ្រីម ស្លាប់និងរបួសទាំងព្រឹក

សៀមរាប: ​ករណីគ្រោះថ្នាក់ចរាចរណ៍ដ៏រន្ធត់មួយបានកើតឡើង ក្រោយពេលរថយន្តតូរីស និងម៉ូតូសណ្តោងរម៉កបើកប៉ះគ្នា រួចជ្រុលចង្កូតទៅបុកម៉ូតូហុងឌ្រីម​ ក្នុងទិសដៅស្របគ្នា បណ្តាលឲ្យ ម្ចាស់ម៉ូតូស្លាប់​ ចំណែកម្ចាស់ម៉ូតូសណ្តោងរម៉ករបួសស្រាល​។

ហេតុការណ៍នេះបានកើតឡើង កាលពីថ្ងៃទី៤ ខែមករា ឆ្នាំ២០១៨ វេលាម៉ោង​១០និង៤៦នាទីព្រឹក ស្ថិតក្នុង​ភូមិគោកត្នោត ឃុំកណ្តែក ស្រុកបាគង ខេត្តសៀមរាប។

ជនរងគ្រោះមានឈ្មោះ ចាន់ ថា ភេទស្រី​ អាយុ៦០ឆ្នាំ(ស្លាប់) បើកម៉ូតូម៉ាកហុងដាឌ្រីម ពណ៌ខ្មៅ សេរីឆ្នាំ២០១០​​ និងម្ចាស់រម៉កមានឈ្មោះ ហួត សេរី ភេទប្រុស អាយុ៦៥(របួសស្រាល)។ ចំណែកម្ចាស់រថយន្តតូរីស ពុំស្គាល់អត្តសញ្ញាណនោះទេ បើករថយន្តពណ៌លឿង ពាក់ស្លាកលេខកំពង់ធំ 2A-1310 ទាំង៣នាក់ស្នាក់នៅភូមិឃុំកើតហេតុ។

ក្រោយកើតហេតុ សមត្ថកិច្ចបាននាំយកវត្ថុតាងមករក្សាទុក នៅអធិការដ្ឋាននគរបាលស្រុក ដើម្បីដោះស្រាយបន្តតាមផ្លូវច្បាប់។ ចំណែកសាកសពប្រគល់ជូនក្រុមគ្រួសារ យកទៅធ្វើបុណ្យតាមប្រពៃណី៕