ព័ត៌មានជាតិ

សូមប្រយ័ត្ន! ជនមិនស្គាល់មុខ៣នាក់ ប្រើល្បិចឆបោកប្តូរយកគ្រឿងអលង្ការ នៅតាកែវ

តាកែវ:​​​​​ ហេតុការណ៍ភ្ញាក់ផ្អើលមួយបានកើតឡើង​ ក្រោយពីមានស្រ្តី២នាក់ និងបុរសម្នាក់មិនស្គាល់អត្តសញ្ញាណ បានប្រើល្បិចឆបោក ដោយធ្វើជាសកម្មភាព​រើសបានមាស ហើយ​លួងលោមស្រ្តីម្នាក់ ឲ្យឡើងជិះម៉ូតូជាមួយ ​លុះដល់ចំណុចជិតវត្តតាលឿង ឃុំឧត្តមសូរិយា ក៏បបួលជនរងគ្រោះឲ្យដោះចិញ្ចៀនមាស មួយវង់ទំងន់១ជី និងខ្សែកមាស ទម្ងន់៤ជី ប្រគល់ឲ្យ​ពួកគេ រួចក៏ប្រគល់ខ្សែកកាឡៃ ទៅជនរងគ្រោះចំនួន១ខ្សែមកវិញ ទើបគេចខ្លួនបាត់តែម្តង។ ​ ​

ហេតុការណ៍នេះបានកើតឡើង ​កាលពីវេលាម៉ោង​៧និង៣០នាទីព្រឹក ថ្ងៃទី​៥​ ខែមករា ឆ្នាំ២០១៨ ​ នៅត្រង់ចំណុចផ្សារអង្គតាសោម ​ភូមិអង្គតាសោម ឃុំអង្គតាសោម ស្រុកត្រាំកក់​ ខេត្តតាកែវ​។

ជនរងគ្រោះមានឈ្មោះ សួន នាង ភេទស្រី អាយុ៥៩ឆ្នាំ ស្នាក់នៅភូមិព្រៃស្រោង ឃុំអង្គតាសោម ស្រុកត្រាំកក់ ខេត្តតាកែវ។

បច្ចុប្បន្ន សមត្ថកិច្ច​កំពុង​ស្រាវជ្រាវរកមុខសញ្ញាជនសង្ស័យទាំង៣នាក់ ដើម្បីឃាត់ខ្លួនយកមកផ្តន្ទាទោសតាមផ្លូវច្បាប់​៕

មតិយោបល់