កំពង់ធំ: ករណីគ្រោះថ្នាក់ចរាចរណ៍គួរឲ្យរន្ធត់ ដោយយុវជន៣នាក់ជិះម៉ូតូឌុបគ្នាក្នុងស្ថានភាពស្រវឹងជោកជាំ បោលបុកដើមឈើពេញទំហឹង បណ្តាលឲ្យស្លាប់នៅនឹងកន្លែងកើតហេតុយ៉ាងអាណោចអាធ័ម កាលពីរសៀលថ្ងៃទី១១ ខែមិថុនា ឆ្នាំ២០១៦ នៅចំនុចភូមិសូភី ឃុំព្រះដំរី ស្រុកស្ទោង ខេត្តកំពង់ធំ។
ប្រភពឲ្យដឹងថា ហេតុការណ៍ខាងលើនេះ កើតឡើង បន្ទាប់ពីពួកគេផឹកស្រាស្រវឹងធ្លាក់ភ្នែក រួចជិះម៉ូតូសេ១២៥ ពាក់ស្លាខលេខកំពង់ធំ 1i 0100 ឌុបគ្នា ០៣នាក់ទៅបុគដើមឈើ បណ្តាលឲ្យយុវជនទាំង៣នាក់ស្លាប់ភ្លាមៗនៅនឹងកន្លែង។
ប្រភពបន្តថា សពជនរងគ្រោះ ទី១.ជាអ្នកបើកម៉ូតូ ឈ្មោះ សឿ សាំ ភេទប្រុសអាយុ១៩ឆ្នាំ ទី២.ឈ្មោះ ព្រុច ព្រំ អាយុ២០ឆ្នាំ និងទី៣.ឈ្មោះ ឃុយ ខៃ អាយុ២៤ឆ្នាំ អ្នកទាំង៣នាក់ រស់នៅភូមិសូភី ឃុំព្រះដំរី ស្រុកស្ទោង ខេត្តកំពង់ធំ។
បច្ចុប្បន្ន សពជនរងគ្រោះទាំង៣នាក់ ត្រូវបានប្រគល់ជូនក្រុមគ្រួសារយកទៅធ្វើបុណ្យតាមប្រពៃណី៕
មតិយោបល់