កំពង់ចាមៈ នៅថ្ងៃទី២៦ ខែសីហា ឆ្នាំ២០២០ វេលាម៉ោង ២និង៤០នាទីទៀបភ្លឺ បានទទួលពត៌មានពីប្រជាពលរដ្ឋ រាយការណ៍ ប្រាប់ថាមានករណីអគ្គិភ័យ ចំណុចវត្តត្រពាំងល្ពៅ ស្ថិតក្នុងភូមិត្រពាំងល្ពៅ ឃុំជយោ ស្រុកចំការលើ ខេត្តកំពង់ចាម ក្រោយពីទទួលពត៌មាន លោកឧត្តមសេនីយ៍ត្រី លី គឹមឡេង ស្នងការរងទទួលពង្រឹងស្រុកចំការលើ និងកម្លាំងជំនាញអធិការដ្ឋាននគរបាលស្រុក បានចេញរថយន្ដពន្លត់អគ្គិភ័យចំនួន ១គ្រឿង ចុះទៅអន្ដរាគមន៍ជួយពន្លត់។
ការខូចខាតរួមមាន៖
-កុដិ ១ខ្នង ទំហំ ៥,៥ម៉ត្រ×៨ម៉ែត្រ សង់អំពីឈើ ប្រក់ក្បឿង ជញ្ជាំក្ដារ (ឆេះអស់ទាំងស្រុង)។
-អង្ករ ២០បេ
-មេក្រូ១ អំភ្លី១ ធុងបាស ៤គ្រាប់ និងសម្ភារមួយចំនួនទៀត។
មូលហេតុ៖ បណ្ដាលមកពីព្រះសង្ឃ អុចទៀនមុនចូលសឹង។
-អគ្គិភ័យរលត់អស់ ១០០% នៅវេលាម៉ោង ៣និង៣០នាទី នាថ្ងៃខែឆ្នាំដដែល។
ក្នុងកិច្ចប្រតិបត្តិការណ៍នេះ កម្លាំងជំនាញប្រើប្រាស់រថយន្តពន្លត់អគ្គិភ័យចំនួន ១គ្រឿង ប្រើប្រាស់អស់ទឹក ១ឡាន៕
មតិយោបល់