កំពង់ស្ពឺ: រថយន្តមួយគ្រឿង បានប៉ះគ្នាជាមួយគោយន្ត រងរបួសធ្ងន់ស្រាល៣នាក់ ដែលកើតហេតុ កាលពីវេលាម៉ោង ៥ និង ១៥ នាទីល្ងាចថ្ងៃទី១៣ ខែមករា ឆ្នាំ២០១៨ នៅលើផ្លូវជាតិលេខ៤ ចន្លោះគីឡូម៉ែត្រលេខ៨៧ និង៨៨ ត្រង់ចំណុចភូមិទី៥ ឃុំត្រែងត្រយឹង ស្រុកភ្នំស្រួច ខេត្តកំពង់ស្ពឺ ។
រថយន្តបង្ក ម៉ាកហ៊ីយ៉ាន់ដាយ ពាក់ស្លាកលេខ ភ្នំពេញ 3E-0515 ពណ៌ខៀវ ដឹកខ្សាច់ អ្នកបើកបរមិនស្គាល់អត្តសញ្ញាណ បើកក្នុងទិសដៅពីលិចទៅកើត លុះមកដល់ចំណុចកើតហេតុ បានប៉ះគ្នាជាមួយគោយន្ត ក្នុងទិសដៅបញ្ច្រាសទិសគ្នា បណ្តាលឲ្យអ្នកជិះលើគោយន្ត ៣នាក់រងរបួសធ្ងន់ស្រាល។
បច្ចុប្បន្ន ជនរងគ្រោះ ត្រូវបានបញ្ជូនទៅកាន់មន្ទីរពេទ្យ ចំណែកគោយន្ត និងរថយន្ត ត្រូវកម្លាំងជំនាញយកមករក្សាទុកនៅអធិការដ្ឋាននគរបាលស្រុកភ្នំស្រួច ដើម្បីចាត់ការតាមនិតិវិធីច្បាប់៕
មតិយោបល់