ភ្នំពេញៈ នៅមុននេះបន្តិច មានហេតុការណ៍គ្រោះថ្នាក់ចរាចរណ៍មួយ បានកើតឡើងរវាងរថយន្តទួរីស បានបុកគ្នាជាមួយនឹងម៉ូតូកង់បី បណ្តាលឲ្យមានអ្នកស្លាប់នៅនឹងកន្លែងម្នាក់ និងរបួសធ្ងន់១៣នាក់។

បើតាមភ្នាក់ងារឆ្លើយឆ្លងព័ត៌មានរបស់ Post News បានឲ្យដឹងថា ហេតុការណ៍នេះ បានកើតឡើងនៅផ្លូវសហព័ន្ធរុស្សី ក្បែព្រលានយន្តហោះអន្តរជាតិភ្នំពេញ នៅក្នុងសង្កាត់ចោមចៅ ខណ្ឌពោធិ៍សែនជ័យ រាជធានីភ្នំពេញ ហើយបើតាមតួលេខបឋមបានឲ្យដឹងថា បណ្តាលឲ្យមានអ្នកស្លាប់ម្នាក់ និងរបួសធ្ងន់ ១២នាក់។ ម៉ូតូកង់បីដែលរថយន្តសាំងយ៉ុងបើកបុកនោះ គឺជិះគ្នាទាំងអស់ ១២នាក់ ក្នុងនោះមានស្រី ១១នាក់ បន្ទាប់ពីមកលេងកំសាន្តនៅសួនចំការព្រីង ហើយក៏ត្រូវរថយន្តសាំយ៉ុងវ៉ាពីទិសបញ្ច្រាស់គ្នា រួចបុកតែម្តង។

បើតាមលោកអធិការនគរបាលខណ្ឌពោធិ៍សែនជ័យ លោក យឹម សារ៉ាន់ បានប្រាប់ post news នៅមុននេះថា ពិតជាមានករណីគ្រោះថ្នាក់ចរាចរណ៍មែន ហើយសម្រាប់ព័ត៌មានលំអិត Post news នឹងផ្សាយជូនជាបន្តបន្ទាប់ទៀត៕

https://youtu.be/ZV4_TQqwlyQ
https://youtu.be/Vlug0fXjhkA
https://youtu.be/eEzHtNvWSKA
https://youtu.be/9glGHcmt0-g
https://youtu.be/YfiFI33RFus