កំពង់ស្ពឺៈ ករណីគ្រោះថ្នាក់ចរាចរណ៍ដ៏រន្ធត់មួយបានកើតឡើង រវាងរថយន្តហ្វុយស្សូ បើកបុកម៉ូតូវ៉េវ បណ្ដាលឲ្យស្លាប់ម្នាក់ និងរបួសធ្ងន់ម្នាក់ ត្រូវបញ្ជូនទៅកាន់មន្ទីរពេទ្យ។
ហេតុការណ៍នេះបានកើតឡើង កាលពីវេលាម៉ោង២និង១៥នាទីរសៀល ថ្ងៃទី១៥ ខែមករា ឆ្នាំ២០១៨ ស្ថិតលើផ្លូវជាតិជាតិលេខ៤ គីឡូម៉ែត្រលេខ៨៩-៩០ ភូមិទី៤ ឃុំត្រែងត្រយឹង ស្រុកភ្នំស្រួច ខេត្តកំពង់ស្ពឺ។
ជនរងគ្រោះមានឈ្មោះ ស្នា ហៃ ភេទប្រុស អាយុ៧ឆ្នាំ(ស្លាប់) និងម្តាយឈ្មោះ សុខ ហ៊ីម ភេទស្រី អាយុ៣៥ឆ្នាំ(របួសធ្ងន់) ទាំង២នាក់ស្នាក់នៅភូមិកងមាស ឃុំត្រែងត្រយឹង ស្រុកភ្នំស្រួច បើកម៉ូតូម៉ាកវ៉េវ ពណ៌ខ្មៅ គ្មានស្លាកលេខ។ ចំណែកជនបង្កពុំស្គាល់អត្តសញ្ញាណនោះទេ(គេចខ្លួន) បើករថយន្ត ម៉ាកហ្វុយស្សូ ពណ៌ខៀវ ស្លាកលេខភ្នំពេញ 3A-0218។
ក្រោយកើតហេតុ សមត្ថកិច្ចបានចុះទៅដល់កន្លែងកើតហេតុ ដើម្បីធើ្វកោសល្យវិច័យ រួចប្រគល់សពជូនក្រុមគ្រួសារយកទៅធ្វើបុណ្យតាមប្រពៃណី៕
មតិយោបល់