ពោធិ៍សាត់: កាលពីថ្ងៃទី១៩ ខែមករា ឆ្នាំ២០១៨ វេលាម៉ោង១២និង៣០នាទីថ្ងៃត្រង់ មានករណីគ្រោះថ្នាក់ចរាចរណ៏មួយ បង្កឡើងដោយរថយន្តច្នៃ បើកគាំងចង្កូតកាច់មិនរួចក្រឡាប់ធ្លាក់ផ្លូវ បណ្ដាលឲ្យរបួស២នាក់ និងស្លាប់ម្នាក់ នៅខាងមុខផ្ទះលោកគ្រូថា ភូមិចម្ការជ្រៃខាងត្បូង ឃុំអន្លង់រាប ស្រុកវាលវែង ខេត្តពោធិ៍សាត់។
ជនរងគ្រោះមានឈ្មោះ ទន់ ប៊ុទី ភេទប្រុស អាយុ៤៥ឆ្នាំ(របួសស្រាល) ទី២ឈ្មោះ មុំ ថារី ភេទស្រី អាយុ៣៤ឆ្នាំ(របួសធ្ងន់) បញ្ជូនទៅកាន់មន្ទីរពេទ្យខេត្ត និងទី៣ឈ្មោះ ប៊ុន កុម្ភ: ភេទប្រុស អាយុ៧ឆ្នាំ បញ្ជូនមកដល់មណ្ឌលសុខភាពស្លាប់តែម្តង ដែលអ្នកទាំង៣ ត្រូវជាឪពុកម្ដាយនិងកូន ដែលរស់នៅក្នុងភូមិដីក្រហម ឃុំអន្លង់រាប ស្រុកវាលវែង ខេត្តពោធិ៍សាត់។
ក្រោយកើតហេតុ សមត្ថកិច្ចបានចុះមកធ្វើកោសល្យវិច័យដល់កន្លែងកើតហេតុ និងនាំយករថយន្តទៅរក្សាទុក ធ្វើការដោះស្រាយពេលក្រោយ។ ចំណែកសពក្រុមគ្រួសារ យកទៅធ្វើបុណ្យតាមប្រពៃណី៕
មតិយោបល់