ភ្នំពេញ: សមត្ថកិច្ចបានឃាត់ខ្លួន ជនសង្ស័យ២នាក់ ក្រោយធ្វើសកម្មភាពឆក់ អាយផេតពីស្ត្រីជនជាតិអូស្ត្រាលីម្នាក់ បានសម្រេច។ ដែលហេតុការន៍នេះបានកើតឡើង កាលពីវេលាម៉ោង៧និង៥០នាទីយប់ ថ្ងៃទី២៤ ខែមករា ឆ្នាំ២០១៨ នៅខាងមុខក្លឹបហាត់ប្រាណវិចទ័រ ភូមិសន្សំកុសល២ សង្កាត់បឹងទំពុនទី១ ខណ្ឌមានជ័យ រាជធានីភ្នំពេញ។
ជនសង្ស័យទី១មានឈ្មោះ ឆី សុវណ្ណា ភេទប្រុស អាយុ១៤ឆ្នាំ មុខរបរសិស្សវិទ្យាល័យទួលស្វាយព្រៃ ស្នាក់នៅភូមិឬស្សី សង្កាត់ស្ទឹងមានជ័យ២ ខណ្ឌមានជ័យ រាជធានីភ្នំពេញ និងទី២ឈ្មោះ ភួង ចន្ថា ភេទប្រុស អាយុ១៦ឆ្នាំ រៀនសាលាជាមួយគ្នា ស្នាក់នៅក្នុងភូមិសន្សំកុសល៣ សង្កាត់បឹងទំពុនទី១ ខណ្ឌមានជ័យ រាជធានីភ្នំពេញ ទាំង២នាក់ជិះម៉ូតូហុងដាសេ១២៥ ពណ៌ខ្មៅ ស៊េរីឆ្នាំ២០១៣ ពាក់ស្លាកលេខភ្នំពេញ1CA-1927។
បច្ចុប្បន្ន ជនសង្ស័យត្រូវសមត្ថកិច្ចបញ្ជូនខ្លួនទៅកាន់អធិការដ្ឋាននគរបាលខណ្ឌមានជ័យ ដើម្បីកសាងសំណុំរឿង បញ្ជូនខ្លួនទៅកាន់តុលាការចាត់ការតាមច្បាប់។ ចំណែកវត្ថុតាងប្រគល់ឲ្យជនរងគ្រោះវិញ៕
មតិយោបល់