Post News Media ព័ត៌មានជាតិ ​រន្ធត់! ឃើញគ...

​រន្ធត់! ឃើញគេបុកគ្នាចូលទៅជួយ បែរជាត្រូវរថយន្តសង្គ្រោះបន្ទាន់ មកបុកមួយតង់ទៀត របួសធ្ងន់៣នាក់

កណ្ដាល: ករណីគ្រោះថ្នាក់ចរាចរណ៍ដ៏មិនគួរឲ្យជឿមួយបានកើតឡើង ក្រោយពីមានម៉ូតូម៉ាកហុងដាឌ្រីម បើកបុកគូទរថយន្តមិនស្គាល់ម៉ាក បណ្តាលឲ្យម្ចាស់ម៉ូតូរងរបួសធ្ងន់ ហើយខណ:នោះមានមុនស្ស៣នាក់ ធ្វើដំណើរឃើញក៏ចុះជួយជនរងគ្រោះ តែសំណាងអាក្រក់ត្រូវរថយន្តសង្រ្គោះបន្ទាន់ បុកពីក្រោយអ្នកជួយ២នាក់ទៀតរងរបួសធ្ងន់។

ហេតុការណ៍នេះបានកើតឡើង កាលពីវេលាម៉ោ៩និង៤០នាទីយប់ ស្ថិតលើផ្លូវជាតិលេខ​៤ ​គីឡូម៉ែត្រ២៦-២៧ ភូមិត្រពាំងឈើនាង ឃុំពើក ស្រុកអង្គស្នួល ខេត្តកណ្ដាល។

អ្នកបើករថយន្តសង្រ្គោះ​ឈ្មោះ ផុន ថាត ភេទប្រុស អាយុ២៧ឆ្នាំ ស្នាក់នៅភូមិស្រីសំពោង ឃុំខ្ទុំក្រាំង ស្រុកសំរោងទង ខេត្តកំពង់ស្ពឺ បើករថយន្តសង្រ្គោះ ម៉ាកហ៊ីយ៉ាន់ដាយ ពណ៌ស ពាក់ស្លាកលេខ​កណ្តាល 2A-7748​ ចំណែកម្ចាស់ម៉ូតូបង្កពុំស្គាល់ឈ្មោះ ជិះ​ម៉ូតូឌ្រីម ពណ៌ខ្មៅ ​ស្លាកលេខកំពង់ចាម 1O-1743។

ក្រោយកើតហេតុ ​សមត្ថកិច្ចបញ្ជូនជនរងគ្រោះទាំង៣នាក់ ​ទៅកាន់មន្ទីរពេទ្យឯកជនបែកចាន​។ ចំណែកអ្នកបើក​រថយន្តសង្គ្រោះ ត្រូវបាន​ឃាត់ខ្លួន​ និងយកវត្ថុតាងទាំងអស់មករក្សាទុក ​រង់​ដោះស្រាយទៅតាមនីតិវិធីច្បាប់៕