ភ្នំពេញៈ ជនសង្ស័យលួចកាច់.កម៉ូតូម្នាក់ អស់លក្ខណ៍ត្រូវម្ចាស់គេទាន់ស្រែកឲ្យប្រជាពលរដ្ឋជួយចាប់បានវាយសល់ដង្ហើមចង្រិត ខណៈពេលកំពុងធ្វើសកម្មភាពកាច់.កម៉ូតូម៉ាកសង់កូរ៉េរបស់បុរសអ្នករត់ម៉ូតូឌុប ដែលចត់ចោរជញ្ចើមផ្លូវនៅកន្លែងកើតហេតុ។
ហេតុការណ៍នេះ កើតឡើងកាលពីវេលាម៉ោង៣និង២០នាទីយប់ថ្ងៃទី១៤ ខែមិថុនា ឆ្នាំ២០១៦ នៅតាមបណ្តោយផ្លូវជាតិលេខ៥ ស្ថិតនៅក្រោមស្ពានជ្រោយចង្វា ក្នុងសង្កាត់ស្រះចក ខណ្ឌដូនពេញ។
តាមប្រភពព័ត៌មានបានឲ្យដឹងថា មុនពេលកើតហេតុគេឃើញជនសង្ស័យដើរតាមបណ្ដោយផ្លូវជាតិលេខ៥ តែម្នាក់ឯង ខណៈមកដល់ចំណុចកើតហេតុក៏ប្រទះឃើញម៉ូតូម៉ាកសង់កូរ៉េរបស់បុរសអ្នករត់ម៉ូតូឌុប ដែលចតចោរជញ្ចើមផ្លូវ ក៏ធ្វើសកម្មភាព តែត្រូវប្រជាពលរដ្ឋប្រទះឃើញក៏ស្រែក បង្កភាពភ្ញាក់ផ្អើលនាំគ្នាមកចាប់វាយរហូតសល់ដង្ហើមចង្រិត រួចប្រគល់ឲ្យសមត្ថកិច្ច។
ក្រោយពេលកើតហេតុសមត្ថកិច្ចមកដល់ចំណុចកើតហេតុ ដោយឃើញជនសង្ស័យរងរបួសធ្ងន់ពេក ក៏ហៅរថយន្ដសាមុយដឹកយកទៅសង្គ្រោះនៅមន្ទីរពេទ្យ រងចាំដល់ជនសង្ស័យដឹងខ្លួន ទើបធ្វើការសាកសួរ ដើម្បីដោះស្រាយតាមផ្លូវច្បាប់៕
មតិយោបល់