Post News Media ព័ត៌មានជាតិ ឃើញឪកូនគេឈ្លោ...

ឃើញឪកូនគេឈ្លោះគ្នា ចូលទៅជួយឃាត់ បែរជាត្រូវគេកាប់របួស!

កណ្តាល: ជនសង្ស័យម្នាក់ ត្រូវបានសមត្ថកិច្ចធ្វើការឃាត់ខ្លួន ក្រោយពីបានបង្កហិង្សាវាយទៅលើកូន និងកាប់មកលើអ្នកជួយមកឃាត់ បណ្តាលឲ្យរបួស។

ករណីនេះកើតឡើងនៅម៉ោង៦និង៣០នាទីល្ងាចថ្ងៃទី២៧ ខែធ្នូ ឆ្នាំ២០១៨នៅចំណុចភូមិកោះខែល ឃុំកោះខែល ស្រុកស្អាង ខេត្តកណ្ដាល។

ជនរងគ្រោះចំនួន២នាក់៖
១- ឈ្មោះ ឃ្លាំង​ វ៉េត ភេទប្រុស អាយុ២៧ឆ្នាំ មុខរបរកសិករ មានទីលំនៅភូមិកោះខែល ឃុំកោះខែល ស្រុកស្អាង ខេត្តកណ្ដាល។
២- ឈ្មោះ​ សាត​ លាងហ៊ីម​ ភេទប្រុស​ អាយុ១៨ឆ្នាំ​ មុខរបរកសិករ​ មានទីលំនៅភូមិកោះខែល​ ឃុំកោះខែល​ ស្រុកស្អាង​ ខេត្តកណ្ដាល។

ជនសង្ស័យ ឈ្មោះ យុង​ គុណនាង ភេទប្រុស អាយុ៣៣ឆ្នាំ មុខរបរកសិករ​ មានទីលំនៅភូមិកោះក្របី សង្កាត់​ ព្រែកថ្មី ខណ្ឌច្របាអំពៅ រាជាធានីភ្នំពេញ។ វត្ថុតាងចាប់យក ៖ កណ្ដៀវខ្វាង​ ចំនួនមួយ ។

មុនពេលកើតហេតុឈ្មោះ សាត គា​ ភេទប្រុស អាយុ៥៣ឆ្នាំ បានជជែកគ្នាជាមួយប្រពន្ធខ្លួនឈ្មោះ​ នួន​ អែម​ រឿងបាញ់ថ្នាំស្រូវ ពេលឈ្មោះ​ សាត​ លាងហ៊ីម​ ត្រូវជាកូនបង្កើត​ របស់ឈ្មោះសាត​ គា​ បានឆ្លើយទៅឪពុកខ្លួនថាផ្ទះនេះលឺសូរតែឈ្លោះគ្នាស្រាប់តែ​ ឈ្មោះ​ យុង​ គុណនាង​ ស្រែកថា ឯងថាអីឲ្យអញ​ ឈ្មោះ​ សាត​ លាងហ៊ីម​ ឆ្លើយតបវិញថា អញមានថាអី ស្រាប់តែ ឈ្មោះ​ យុង​ គុណនាង​ ដើរសំដៅមករក​ ឈ្មោះ​ សាត លាងហ៊ីម​ រួចបានចាប់ដៃប្រតាយប្រតប់គ្នា ភ្លាមនោះដែរ ឈ្មោះ​ ឃ្លាំង​ វេត​ បានមកជួយឃាត់ស្រាប់តែ​ ឈ្មោះ​ យុង​ គុណនាង​ បានយកកណ្ដៀវខ្វាង មកកាប់ត្រូវម្រាមដៃឈ្មោះ​ ឃ្លាំង​ វេត​ ខាងឆ្វេងបណ្ដាលឲ្យរបួស​ និងកាប់ត្រូវចង្អុលដៃ​ខាងស្ដាំរបស់ ឈ្មោះ​ សាត​ លាងហ៊ីម​ បណ្ដាលឲ្យរបួសស្រាល។ ​

បន្ទាប់មកកម្លាំងប៉ុស្តិ៍បានឃាត់ខ្លួនជនសង្ស័យបញ្ជូនមកអធិការដ្ឋាននគរបាលស្រុក ចាត់ការបន្តតាមនីតិវិធីច្បាប់៕