កំពង់ស្ពឺៈ នៅវេលាម៉ោង៨ និង៥០នាទីយប់ ថ្ងៃទី២៧ ខែមករា ​ឆ្នាំ២០១៨ មានករណីអគ្គីភ័យបានកើតឡើងនៅចំណុចការដ្ឋាន ផលិត កាំជ្រួចផ្កា របស់ក្រសួងការពារជាតិ ដែលមានទីតាំងស្ថិតនៅភូមិទី១ ឃុំត្រែងត្រយឹង ស្រុកភ្នំស្រួច ខេត្តកំពង់ស្ពឺ។

អគ្គិភ័យនេះដែរ បានឆាបឆេះឃ្លាំងដាក់សម្ភារៈ ១ខ្នង ទំហំ៤ គុណ៥ ម៉ែត្រ ,រោងក្នុងការដ្ឋាន១ខ្នង ទំហំ១៥ គុណ៧ម៉ែត្រ
និងរបើកដំបូលអាគាក្នុងការដ្ឋានជាច្រើនខ្នង ព្រមទាំងរងរបួសមនុស្សមនុស្សម្នាក់ឈ្មោះ ហម សារិទ្ជ ភេទប្រុសអាយុ៥៥ឆ្នាំ នៅភូមិទី១ឃុំត្រែងត្រយឹង ស្រុកភ្នំស្រួចខេត្តកំពង់ស្ពឺ រងរបួសស្រាល។

ក្នុងនោះដែរ ក៏មានការអន្តរាគម៍ពីរថយន្តមកពីអង្គភាពអធិការដ្ឋាន១ គ្រឿង,កងពលតូចលេខ៣១ ចំនួន១ គ្រឿង និង រថយន្តសាលាមិត្តភាពកម្ពុជាវៀតណាម១ គ្រឿង ប្រើប្រាស់ទឹកអស់ចំនួន៥ ឡាន ទើបរលត់ទៅវិញផងដែរ។ ចំណែកមូលហេតុ កំពុងតែស្រាវជ្រាវបន្ត៕