រតនគិរី: ប្រជាពលរដ្ឋចំនួន១២គ្រួសារ ទទួលរងគ្រោះដោយខ្យល់កន្ត្រាក់ ប៉ះពាល់ផ្ទះសំបែង កាលពីថ្ងៃទី០៣ ឧសភា កន្លងទៅ ស្ថិតនៅក្នុងភូមិថ្មី ឃុំសេដា ស្រុកលំផាត់ ខេត្តរតនគិរី បានទទួលអំណោយមនុស្សធម៌ ពីសាខាកាកបាទក្រហមកម្ពុជា ខេត្តរតនគិរី ដឹកនាំដោយលោក ថង សាវុន ប្រធានគណ:កម្មាធិការ សាខាកាកបាទក្រហមកម្ពុជា ខេត្តរតនគិរី នាថ្ងៃទី០៥ ខែឧសភា ឆ្នាំ២០១៦នេះ។

ក្នុងឱកាសនោះលោក ក៏បាននាំយកនូវក្រុមគ្រូពេទ្យ ចុះពិនិត្យព្យាបាល ប្រជាពលរដ្ឋដែលរងគ្រោះ ដោយឈើបាក់លើកំឡុងពេលមានភ្លៀង ខ្យល់ផងដែរ៕