ផ្ទះ ព័ត៌មានជាតិ ក្រសួងការបរទេ...

ក្រសួងការបរទេស និងសហប្រតិបត្តិការអន្តរជាតិគ្រោងរៀបចំការប្រកួតជ្រើសរើសវាគ្មិនយុវជន

0

ភ្នំពេញ: យោងតាមគេហទំព័រ ហ្វេស ប៊ុក របស់សហភាព​សហព័ន្ធយុវជនកម្ពុជា វិស័យការបរទេស និងសហប្រតិបត្តិការអន្តរជាតិ បានឲ្យដឹងថា ដើម្បីចូលរួម ពង្រឹង សមត្ថភាព សកម្មជនយុវជន ឲ្យក្លាយទៅជាធនធានប្រកបដោយសក្តានុពល ក្រសួងការបរទេស និងសហប្រតិបត្តិការអន្តរជាតិ គ្រោងរៀបចម្ការប្រកួតជ្រើសរើស​វាគ្មិនយុវជនដើម្បីចូលរួមការប្រកួតកម្មវិធី “ទំពាំងស្នងឬស្សីជំនាន់ទី២” ដែលរៀបចំឡើងដោយសហភាពសហព័ន្ធយុវជនកម្ពុជារាធានីភ្នំពេញ។

ការជ្រើសរើសនេះ ធ្វើឡើងតាមបែបប្រជាធិបតេយ្យ ដោយមានគណកម្មការដាក់​ពិន្ទុចំនួន៦រូប ក្នុងនោះរួមមាន៖ លោកស្រី ឡាយច័ន្ទ រស្មី ប្រធានសហភាព​សហព័ន្ធយុវជនកម្ពុជា វិស័យការបរទេស និងអនុប្រធាន៣រូបទៀត គឺកញ្ញា ឆាយ រស្មី លោក សុខា ផាដូរ៉ា និងលោក កៅ កុលវ័ន្ត លោក ហេង ពៅ ប្រធាន​ក្រុមកីឡាបាល់ទាត់ក្រសួងការបរទេស និងសហប្រតិបត្តិការអន្តរជាតិ និង លោក គង់ បញ្ញា យុវជនទំពាំងស្នងឬស្សីឆ្នាំ២០១៤ ។

សូមបញ្ជាក់ថា បន្ទាប់ពីមានការប្រកួតប្រជែង យុវជន៣រូប ដែលបានជាប់ នឹងត្រៀមខ្លួនទៅចូលរួមប្រកួត ជាមួយនឹងស្ថាប័ននានានៅថ្ងៃទី២៣ខែកក្តដា ឆ្នាំ ២០១៦៕

Loading...