កំពង់ឆ្នាំង: ហេតុការណ៍គ្រោះថ្នាក់ចរាចរណ៍មួយបានកើតឡើង ក្រោយពីមានរថយន្តហ៊ីយ៉ាន់ដាយ២គ្រឿង ធ្វើដំណើរស្របទិសដៅគ្នា ពីជើងទៅត្បូង រួចជ្រុលចង្កូតបុកគ្នាពេញទំហឹង បណ្តាលឲ្យរបួសធ្ងន់២នាក់។
ករណីនេះកើតឡើង កាលពីវេលាម៉ោង១និង៤០នាទីរំលងអាធ្រាត្រ ឈានចូលថ្ងៃទី៧ ខែកុម្ភ: ឆ្នាំ២០១៨ ស្ថិតនៅនៅចំណុចមុខផ្ទះឈ្មោះ សឿងរុន ភេទប្រុស អាយុ៥០ឆ្នាំ ភូមិថ្មី ឃុំជ្រៃបាក់ ស្រុករលាប្អៀរ ខេត្តកំពង់ឆ្នាំង។
ជនបង្កមានឈ្មោះ ស៊ូ ស្រេង ភេទប្រុស អាយុ៥៨ឆ្នាំ បើករថយន្តមួយគ្រឿងម៉ាកហ៊ីយ៉ាន់ដាយ ពណ៌ខៀវ ពាក់ស្លាកលេខ២៧២២.ភព២។ ចំណែកទី១ឈ្មោះ ស៊ូ ស្រេង ភេទប្រុស អាយុ៥៨ឆ្នាំ(របួសធ្ងន់) បើករថយន្តម៉ាក ហ៊ីយ៉ាន់ដាយ ពណ៌ខៀវពាក់ស្លាកលេខតាកែវ 3A-0671 ត្រូវជាប្ដីឈ្មោះ លាស់ យ៉ាន ភេទស្រី អាយុ៦១ឆ្នាំ(របួសធ្ងន់) អ្នកទាំងពីររស់នៅភូមិបឹងត្រាវ ឃុំសូគង ស្រុកកងមាស ខេត្តកំពង់ចាម។
ក្រោយកើតហេតុ សមត្ថកិច្ចបានប្រមូលវត្ថុតាង យកមករក្សាទុកនៅអធិការដ្ឋាននគរបាលស្រុករលាប្អៀរ ដើម្បីដោះស្រាយបន្តតាមផ្លូវច្បាប់៕
មតិយោបល់