ភ្នំពេញៈ កន្លងមកមានទស្សនិកជនតិចណាស់ ដែលបានដឹងព័ត៌មានច្បាស់ការមួយរបស់ ដេននី ក្វាន់ ដោយនាងមិនត្រឹមតែជាអ្នកសិល្បៈនោះទេ តែនាងត្រូវបានគេស្គាល់ថា ជាសេដ្ឋីនី ដែលមានមុខរបរក្នុងដៃធំៗ ចំនួន៣។

ក្នុងវិថីសិល្បៈ ដេននី ក្វាន់ គេស្គាល់កាន់តែច្បាស់ ក្រោយផ្ទុះរឿង សិចស៊ី ជាមួយនិងអ្នកសិល្បៈ និងទស្សនិកជនកន្លងទៅថ្មីៗនេះ ដោយទស្សនិកជន បានធ្វើការចោទប្រកាន់ទៅលើនាងថា ស្លៀកពាក់សិចស៊ីចង់ទាញប្រជាប្រិយភាព ប៉ុន្តែនាងបានធ្វើការអះអាងម្តងហើយម្តង ទៀតថា វាជាចំណង់ចំណូលចិត្តរបស់នាងតែប៉ុណ្ណោះ។

បើទោះបីជា យ៉ាងនេះក្តី ដេននី ក្វាន់ ត្រូវបានគេឈ្លេចសួរម្តងហើយ ម្តងទៀតថា នាងមានមុខរបរអ្វីខ្លះ ក្នុងដៃក្រៅពីអាជីពសិល្បៈនេះ?

ក្នុងបទសម្ភាសន៍ជាមួយនិងស្ថានីយ៍ទូរទស្សន៍ ក្នុងស្រុកមួយ ក្នុងពេលថ្មីៗមកនេះ ដេននី ក្វាន់ បានប្រាប់ឲ្យដឹងថា “ក្រៅពីអាជីពសិល្បៈ នាងមានមុខរបរក្នុងដៃចំនួន៣ ក្នុងនោះមានហាងលក់គ្រឿងសង្ហារឹម ហាងបញ្ចាំ និងការ៉ាស់សាំង ដោយហាងទាំងនេះ តម្រូវឲ្យប្អូនជីដូនមួយ ជាអ្នកមើលការខុសត្រូវ”។

ថ្មីៗនេះដែរ គេនៅចាប់អារម្មណ៍មុខរបរថ្មីមួយទៀត គឺនាងក៏ជាអ្នកលក់រថយន្តផងដែរ ក្រោយបង្ហោះសារនៅលើគណនីហ្វេសប៊ុករបស់នាងថា (Just Arrived ! lexus RX 300 Color white /Tan . Years 2001 . no hit No paint ) ទើបមកដល់ថ្មី ឡិចស៊ីស RX300 ឆ្នាំ2001 .ពណ៌កាំម៉ៃ ក្នុងលឿង ថ្នាំស៊ីនឡានមូលអត់បុក។ តម្លៃ15500$ អាចចរចាបាន។ ចាប់អារម្មណ៍ Chat inbox)។

ក្នុងនោះដែរ អ្នកលេងហ្វេសប៊ុកបាន Comments សួរថា មានព្រូសអត់បង? ដេននី ក្វាន់ឆ្លើយតបវិញថា ច៎ាសមាន៕