Post News Media ព័ត៌មានជាតិ ឃាត់ខ្លួនជនសង...

ឃាត់ខ្លួនជនសង្ស័យម្នាក់ ករណីរក្សាទុកសារធាតុញៀនខុសច្បាប់

ភ្នំពេញ:​ ជនសង្ស័យម្នាក់ទៀតហើយ​ ដែលត្រូវបានសមត្ថកិច្ចខណ្ឌឫស្សីកែវ​ បានធ្វើការឃាត់ខ្លួន​ ក្រោយពីបានធ្វើការឆែក​ឆេរ​រកឃើញនូវ​ថ្នាំញៀន​ ០២កញ្ចប់​ កាលពីវេលាម៉ោង​១២និង០០នាទីរំលងអាធ្រាត្រ​ ឈានចូលថ្ងៃទី​១៥​ ខែមិថុនា​ ឆ្នាំ​២០១៦​ ដែលស្ថិតនៅតាមបណ្តោយផ្លូវលេខ៩០៧​ ក្រុមទី១៦​ ភូមិទួលសង្កែ​ សង្កាត់ទួលសង្កែ​ ខណ្ឌឫស្សីកែវ​។

ប្រភព​ឲ្យដឹងថា ជនសង្ស័យឈ្មោះ​ អឿន​ សំអូន​ ភេទ​ប្រុស​ អាយុ​ ២០ឆ្នាំ​ មុខរបរ​ កម្មករដេរខោ​ ស្នាក់នៅសង្កាត់ទួលសង្កែ​ ខណ្ឌឫស្សីកែវ​ ។

លោក​ ណាយ​ ច័ន្ទណារ័ត្ន​ មន្ត្រីព្រហ្មទណ្ឌខណ្ឌឫស្សីកែវ​ បានប្រាប់ឲ្យដឹងថា​ នៅយប់ថ្ងៃទី១៥​ កម្លាំងសមត្ថកិច្ចយើង​ បាននិងកំពុងជិះល្បាតក្នុងភូមិសាស្ត្រ​ ពេលនោះ​ ស្រាប់តែបានប្រទះឃើញជនសង្ស័យខាងលើ​ ភ្លាមៗនោះ​ កម្លាំងសមត្ថកិច្ចយើងក៏បានហៅឲ្យឈប់​ រួចបានធ្វើការឆែកឆេររកឃើញនៅថ្នាំញៀនចំនួន​ ០២កញ្ចប់​ ហើយក៏បានឃាត់ខ្លួនយកមកប៉ុស្តិ៍ទួលសង្កែ​ ដើម្បីធ្វើការសាកសួរបន្ត​ ។

បច្ចុប្បន្ន ជនសង្ស័យខាងលើ​ ត្រូវបានសមត្ថកិច្ចឃុំខ្លួនជាបណ្តោះអាសន្ននៅអធិការដ្ឋាននគរបាលខណ្ឌឫស្សីកែវ​ ដើម្បីបញ្ជូនទៅកាន់តុលាការ​ ចាត់ការតាមផ្លូវច្បាប់​៕

Loading...