ព័ត៌មានជាតិ ព័ត៌មានសិល្បៈ និងកម្សាន្ត

ឈីន រតនៈ និងថែល ថៃ ត្រូវគេព្យាករណ៍ថាកាន់ពានThe Voice

ភ្នំពេញ: នៅយប់ថ្ងៃអាទិត្យ ទី១៩ មិថុនាខាងមុខនេះ  បេក្ខនារី និងបេក្ខជន២រូបត្រូវបានគេលើកឡើងថា នឹងមានវាសនាបានក្លាយជាម្ចាស់ពាន The Voice Cambodia រដូវកាលទី២ក្នុងសន្ទស្សន៍ភាគច្រើនជាងគេ នោះគឺ ដោយសារតែសមត្ថភាពត្រូវបានគេកត់សម្គាល់  ព្រមជាមួយនឹងប្រជាប្រិយភាពរបស់អ្នកទាំងពីរត្រូវគេមើលឃើញខ្លាំងដូចគ្នា។

មកទល់ពេលនេះ មានការលើកឡើងយ៉ាងផុសផុលនៅលើហ្វេសប៊ុកដើម្បីជជែកវែងញែកថា បេក្ខជន បេក្ខនារីរូបណា នឹងក្លាយជាសមាជិករបស់ពិភពលោកទី២បន្ទាប់ពីលោកប៊ុត សីហា នៅក្នុងកម្មវិធី The Voice។ ក្នុងចំណោមបេក្ខជនបេក្ខនារី៤រូបដែលត្រូវប្រឈមមុខគ្នានៅយប់ថ្ងៃអាទិត្យនេះ  បេក្ខភាព៣រូបត្រូវគេលើកមកនិយាយជាងគេនោះគេ បេក្ខនារី ឈីន រតន: បេក្ខជនថែល ថៃ និងបេក្ខនារី សាន ស្រីឡៃ។ យ៉ាងណាក៏ដោយបើសំដៅលើទឹកដមសំលេង និងបច្ចេកទេសច្រៀង បេក្ខនារីសាន ស្រីឡៃ មិនត្រូវបានគេយកមកគិតនោះទេ ដោយសារតែនាងបានឈានមកដល់វគ្កផ្ដាច់ព្រ័ត្រព្រោះតែការអាណិតពាក់ព័ន្ធនឹងផ្ទាល់ខ្លួនច្រើនជាង។

ម្នាក់ៗបានបង្ហាញការជឿជាក់ភាគច្រើនថា ឈីន រតន: និងថែល ថៃ នឹងមានម្នាក់ឡើងអង្គុយកៅអីម្ចាស់ពានThe Voice  បើធៀបនឹងបេក្ខភាព២រូបផ្សេងទៀត។  ហេតុផលដែលនាំឲ្យការយល់ឃើញបែបនោះ គឺដោយសារតែកម្រិតសំឡេងរបស់អ្នកទាំងពីរល្អដាច់ឆ្ងាយពីបេក្ខនារី សាន ស្រីឡៃ និងបេក្ខជាន ឃី សុឃុន ដែលបានឈានមកដល់វគ្គផ្ដាច់ព្រ័ត្រនៅថ្ងៃអាទិត្យនោះដែរ។ ម្យ៉ាងមកពីថែល ថៃ និង ឈីន រតន: អាចស្រែកបានល្អទាំងប្រភេទបទរ៉ុក បទស្លូ និងបទមនោសញ្ចេតបានពីរោះមិនចាញ់គ្នានោះផង ទើបក្នុងរវាងអ្នកទាំងពីរគឺជាប់អ្នកណាក៏ត្រូវបានមហាជនយល់ថាសមស្រប។

យ៉ាងណាមិញ ការប្រកួតជាក់ស្ដែងមិនអាចកំណត់ក្រោមការវាយតម្លៃដោយមាត់ទទេបានទេ ដោយសារតែនបេក្ខជនឃី សុឃុន និងសាន ស្រីឡៃ ក៏ត្រៀមបញ្ចេញឲ្យអស់ពីលទ្ធភាពដើម្បីប្រជែងយកកៅអីជើងឯកផងដែរ។ ក្រុមអ្នកយល់ផ្ទុយពីខាងលើបានលើកឧទាហរណ៍ថាការប្រកួតCambodian Idol  បានបង្ហាញគំរូរួចហើយថាបេក្ខជន ម៉ៅ ហាជី ដែលអ្នកណាក៏ជឿថានឹងកាន់ពានត្រូវបានបេក្ខជននី រតនា យកបានទៅវិញ ដោយសារតែថ្ងៃផ្ដាច់ព្រ័ត្រគឺនី រតនា ច្រៀងបានល្អជាងសម្រាប់បទដែលគេជ្រើសយកមកប្រកួត។

យោងតាមការព្យាករណ៍ ឈីន រតន: ហាក់មានភាគរយកាន់ពានច្រើនជាងថែល ថៃ នោះទៅទៀត ដោយសារតែនាងក្រៅពីមានសម្រស់ស្រស់ស្អាតក៏មានសំឡេងល្អ។ ក្រុមអ្នកបង្ហាញការជឿជាក់យល់ថា កម្មវិធី The Voice  វគ្គ១ និងកម្មវិធី Cambodian got talen និងកម្មវិធី Cambodian Idol មុននេះ ហង្សមាសសុទ្ធតែជ្រើសបានអ្នកចម្រៀងជាបេក្ខជនជាអ្នកកាន់ពាន ដូច្នេះបើទោះជានបេក្ខជនថែល ថៃ មានពិន្ទុប្រហាក់ប្រហែល ឬនាំមុខឈិន រតន: ក៏ទំនងជាឈីន រតន: នឹងមានអាទិភាពជាងគេនោះដែរ។ នេះបើយើងតាមការយល់ឃើញដែលត្រូវគេឃើញផុសឡើងព្រោងព្រាតនៅលើហ្វេសប៊ុកពីសំណាក់អ្នកតាមដានការប្រកួត។ ព្រឹត្តិការណ៍វគ្គផ្ដាច់ព្រ័ត្រនៅថ្ងៃអាទិត្យនេះ ត្រូវគេកត់សម្គាល់ថានឹងមានអ្នកទស្សនារង់ចាំតាមដានភាគច្រើនដើម្បីឲ្យប្រាកដចិត្តក្នុងចំណោមអ្នកទាំង៤ អ្នកណាកាន់ពានThe Voice Cambodia វគ្គ២៕

photo_2016-06-15_22-45-53

photo_2016-06-15_22-45-57

photo_2016-06-15_22-46-01

photo_2016-06-15_22-46-05

photo_2016-06-15_22-46-09

photo_2016-06-15_22-46-13

photo_2016-06-15_22-46-17

photo_2016-06-15_22-46-22

photo_2016-06-15_22-46-27

photo_2016-06-15_22-46-31

photo_2016-06-15_22-46-35

photo_2016-06-15_22-46-40

photo_2016-06-15_22-46-45

មតិយោបល់