ផ្ទះ ព័ត៌មានជាតិ រថយន្តធុនយក្ស...

រថយន្តធុនយក្ស ដឹកប្រេងគេចពន្ធពីថៃ ចូលកម្ពុជា ដូចហែកឋិន

0

ឧ​ត្ត​រ​មានជ័យ: រថយន្ត​ធុន​យក្ស​​ ​ដឹក​ប្រេងសាំងគេចពន្ធ​ពី​ប្រទេស​ថៃ​ នាំចូល​កម្ពុជាតាម​ច្រករបៀង​ជប់​គគីរ​ ដូច​ហែ​កឋិន​។ ​ ប្រជាពលរដ្ឋដែល​រស់នៅក្បែរ​មាត់ច្រករបៀង​ជប់​គគីរ បាន​និយាយថា​ សកម្មភាពខាងលើ បាន​ដំណើរការជាង ​៥ ខែ​មក​ហើយ ​ដែល​គេ​ដឹកចូលមក​ស្តុក​ក្នុងកា​រ៉ា​សសាំង​មួយ​កន្លែង ​នៅ​ចំណុច​ក្រោមជើងភ្នំ​ក្បែរ មាត់ច្រក​របៀងជប់​គគីរ ស្ថិតនៅភូមិ​ចាន់​ក្រហមសែន​ជ័យ ឃុំ​អំពិល ស្រុក​បន្ទាយ​អំពិល ខេត្ត​ឧ​ត្ត​រ​មានជ័យ។

កា​រ៉ា​ស​សាំង​មួយ​នេះ មាន​ស្លាក់​យីហោ ឈ្មោះ តេ​ឡា ហើយក៏​ជា​កន្លែង ស្តុក​សំរាប់​ផ្ទេរ​ដាក់ រថយន្ត ដឹក​បន្ត ទៅ​ចែកចាយ ​នៅ​បណ្តាល​ខេត្តនានា​ ក្នុងប្រទេស​កម្ពុជាផងដែរ។ ​​ជាក់ស្តែង​កាលពីវេលា​ម៉ោង ០២ នា​រសៀលថ្ងៃទី​០៧ ខែមិថុនា ឆ្នាំ​២០១៦ កន្លងមក​ថ្មីៗ​នេះ មាន​រថយន្តធុន​យក្ស​ដឹកប្រេង​របស់ថៃចំនួន០២ គ្រឿង បាន​ដឹក​ចូល​ទីតាំងកា​រ៉ា​សសាំង​តេ​ឡា​ខាងលើ មិន​តែប៉ុណ្ណោះ មាន​រថយន្ត ជាច្រើន​គ្រឿងចតចាំ​ផ្ទេរ​ប្រេងសាំង​ដឹក​បន្ត​ទៀតផង។

មតិ​សាធារណជន ​បាន​និយាយប្រាប់​ថា​ ​ប្រេងសាំង​នាំចូល ខាងលើនេះ អត់​ពន្ធគ្រាន់តែ​យកទីតាំងស្លាក​យីហោ ដើម្បីបំភាន់ភ្នែក​ប៉ុណ្ណោះ ! ព្រោះ​ពុំមាន​ការចែក​ចាយ ឬ​លក់រាយ​នោះ​ឡើយ កន្លងមករថយន្ត​ថៃដឹក​ប្រេងសាំងខាងលើ ត្រូវ​បាន​សមត្ថកិច្ច​ជំនាញ​ក្នុង​ខេត្តធ្វើការចាប់ឃាត់ខ្លួនម្តង​រួចហើយ ​តាំងពី​ខែ​ដំបូង​ដែល​ចាប់ផ្តើម​ដឹកប្រេងសាំង​មក​កម្ពុជា​ម្ល៉េះ។

ពាក់ព័ន្ធ​និងបញ្ហា​នេះ​ នៅរសៀលថ្ងៃទី១៦​ ខែមិថុនា ឆ្នាំ២០១៦ ភ្នាក់ងារ​យើង​មិនអាច​សុំការ​បំភ្លឺ​ពី​​លោក ប៉ែន ស្រស់ មន្ត្រី​គយ​ចល័តបាននៅឡើយទេ។ ថា​តើ​ នាយក​ដ្ឋា​ន​គយ និង​រដ្ឋាករ ​បាន​​ដឹង​ពី​បញ្ហា​នេះ ​ដែរឬទេ?

Loading...