សៀមរាបៈ សមត្ថកិច្ចបានប្រាប់ Post News ថា មានករណីគ្រោះថ្នាក់ចរាចរណ៍មួយ បានកើតឡើងរវាងរថយន្តហ៊ីយ៉ាន់ដាយ ពណ៌ស ស្លាកលេខ ភ្នំពេញ 3D-0977 បានបុកជាមួយនឹងគោយន្តកន្ត្រៃដែលកំពុងបើកបរស្របទិសគ្នា បណ្តាលឲ្យរងការខូចខាតយ៉ាងដំណំ សំណាងណាស់គ្មាននរណាម្នាក់រងរបួសនោះទេ។
ករណីនេះកើតឡើងនៅម៉ោងជាង៤ទៀបភ្លឺ ថ្ងៃទី១ ខែមីនា ឆ្នាំ២០១៨ លើផ្លូវជាតិលេខ៦ ភូមិថ្នល់កែង ឃុំស្ពានត្នោត ស្រុកជីក្រែង ខេត្តសៀមរាប។
ក្រោយកើតហេតុ សមត្ថកិច្ចបាននាំយករថយន្តនិងគោយន្តកន្ត្រៃ ទៅមករក្សាទុកនៅអធិការដ្ឋាននគរបាលស្រុកជីក្រែង រង់ចាំធ្វើការដោះស្រាយតាមនីតិវិធីច្បាប់បន្តទៀត៕
មតិយោបល់