ភ្នំពេញៈ នៅថ្ងៃទី០១ ខែមីនា ឆ្នាំ២០១៨ កម្លាំងល្បាតមូលដ្ឋានអាវុធហត្ថខណ្ឌព្រែកព្នៅ បានធ្វើការបង្កា្រប និងឃាត់ខ្លួនជនសង្ស័យ២នាក់ ពាក់ព័ន្ធករណីគ្រឿងញៀន ក្នុងភូមិសាស្រ្តពីរផ្សេងគ្នា ក្នុងរាជធានីភ្នំពេញ។

ជនសង្ស័យទាំង២នាក់នេះ មាន៖ ទី១ឈ្មោះ ហុង គឹមហាក់ ភេទប្រុស អាយុ ២០ឆ្នាំ ឃាត់ខ្លួនបានកាលពីវេលាម៉ោង១០និង៣០នាទី នៅចំណុច ផ្លូវបេតុង ស្ពានឡុងឈិន ភូមិផ្សារលិច សង្កាត់ព្រែកព្នៅ ខណ្ឌព្រែកព្នៅ រាជធានីភ្នំពេញ។ និងទី២ឈ្មោះ ភុំ ចាន់លី ភេទប្រុស អាយុ ១៩ឆ្នាំ ឃាត់ខ្លួនបានកាលពីវេលាម៉ោង៣រសៀល នៅចំណុច ខ្លោងទ្វាវត្តជុំ ភូមិគោករកា សង្កាត់គោករកា ខណ្ឌព្រែកព្នៅ រាជធានីភ្នំពេញ។

បច្ចុប្បន្ន ពួកគេទាំង២នាក់ខាងលើ ត្រូវបានសមត្ថកិច្ចជំនាញនៃការិយាល័យប្រឆាំងបទល្មើសគ្រឿងញៀន កងរាជអាវុធហត្ថរាជធានីភ្នំពេញ កំពុងធ្វើការសួរចម្លើយ និងកសាងសំណុំរឿងបញ្ជូនទៅតុលាការ ដើម្បីចាត់ការតាមច្បាប់៕