ព្រៃវែងៈ មានករណីប្រជាពលរដ្ឋប្រទះឃើញកាំភ្លើងវែង១ដើមម៉ាកM16និងគ្រាប់ចំនួន២៤គ្រាប់ នៅក្នុងចេតិយមួយកន្លែងដែលរុំថង់កៅស៊ូ ពណ៌ខ្មៅ កាលពីវេលាម៉ោង១០និង២០នាទីព្រឹក ថ្ងៃទី០៤ ខែមីនា ឆ្នាំ២០១៨ ភូមិត្រពាំងស្គន់ ឃុំជីផុច ស្រុកមេសាង ខេត្តព្រៃវែង។
ក្រោយពីទទួលបានព័ត៌មាន ភ្លាមៗនោះសមត្ថកិច្ចបានចុះទៅពិនិត្យដល់កន្លែងកើតហេតុ រួចសន្និដ្ឋានថា កាំភ្លើងនេះអាចជារបស់ជនទុច្ចរិតយកមកលាក់ទុកសម្រាប់ធ្វើសកម្មភាពអ្វីមួយ។ សមត្ថកិច្ចកំពុងស៊ើបអង្កេតរកមុខសញ្ញាដើម្បីឃាត់ខ្លួន ចំណែកវត្ថុតាងកាំភ្លើង ត្រូវបានយកទៅរក្សាទុកនៅប៉ូស្តិ៍រដ្ឋបាលឃុំជីផុច៕