ភ្នំពេញៈ សមត្ថកិច្ចបានធ្វើការឃាត់ខ្លួនយុវជន២នាក់ ក្រោយធ្វើសកម្មភាពលួចយកម៉ូតូនារីម្នាក់ មិនបានសម្រេច។

ការចាប់ឃាត់ខ្លួនបានធ្វើឡើងនៅវេលាម៉ោង៧និង២០នាទីយប់ ថ្ងៃទី០៦ ខែមីនា ឆ្នាំ២០១៨ ក្នុងបុរីពិភពថ្មីចំការដូង ផ្ទះលេខ៦ ផ្លូវលេខ៧ ភូមិសំបួរ សង្កាត់ដង្កោ រាជធានីភ្នំពេញ។
ជនសង្ស័យមិនត្រូវបានស្គាល់អត្តសញ្ញាណនៅឡើយទេ។

ក្នុងនោះសមត្ថកិច្ចដកហូតម៉ូតូម៉ាក ZOOMER X ពណ៌លឿង ពាក់ស្លាកលេខ ភ្នំពេញ1BO-6636ជារបស់ជនរងគ្រោះ។
បច្ចុប្បន្ន ជនសង្ស័យទាំង២នាក់ ត្រូវបានសមត្ថកិច្ចកសាងសំណុំរឿងចាត់ការបន្តតាមនីតិវិធីច្បាប់៕