ស្វាយរៀងៈ នៅវេលាម៉ោង៦និង៣០នាទីយប់ ថ្ងៃទី០៨ ខែមីនា ឆ្នាំ២០១៨ មានករណីគ្រោះថ្នាក់ចរាចរណ៍ដោយមានបុរសម្នាក់ ចេញពីស៊ីការគេ ផឹកស្រវឹងស្រាបានមកបុករបងផ្ទះបុរសម្នាក់ បណ្តាលឲ្យស្លាប់នៅនឹងកន្លែងកើតហេតុ នៅលើដងផ្លូវក្រាលកៅស៊ូ ក្នុងភូមិត្រពាំងតាអី ឃុំព្រៃតាអី ស្រុកស្វាយទាប ខេត្តស្វាយរៀង។

ជនរងគ្រោះមានឈ្មោះ ហ៊ុន តែង អាយុ៦០ឆ្នាំ ភេទប្រុស មានទីលំនៅភូមិឃុំកើតហេតុ។
ជិះម៉ូតូម៉ាក ហុងដា សេ១២៥ ពណ៌ខ្មៅ ស៊េរីឆ្នាំ២០១៨ ពាក់ស្លាកលេខ ស្វាយរៀង1L-3940។

បច្ចុប្បន្ន សពជនរងគ្រោះត្រូវបានក្រុមគ្រួសារយកទៅធ្វើបុណ្យតាមប្រពៃណី។ ចំណែកម៉ូតូជនរងគ្រោះ ត្រូវបានរក្សាទុកនៅប៉ុស្តិ៍រដ្ឋបាលព្រៃតាអី៕