បាត់ដំបងៈ ជនសង្ស័យម្នាក់ ត្រូវបានក្រុមអន្តរាគមន៍បង្ការ បង្ក្រាបនៃស្នងការដ្ឋាននគរបាលខេត្តបាត់ដំបង ធ្វើការឃាត់ខ្លួនបានភ្លាមៗ ខណៈដែលកាន់ដុំថ្ម គប់សំពងកញ្ចក់រថយន្តរបស់អ្នកដ៏ទៃ ដោយពុំដឹងមូលហេតុ។

ករណីនេះកើតឡើងនៅម៉ោង១០និង៣០នាទី ថ្ងៃទី១២ ខែមីនា ឆ្នាំ២០១៨ នៅចំណុចភូមិព្រែកតាតន់ សង្កាត់ព្រែកព្រះស្ដេច ក្រុងបាត់ដំបង ខេត្តបាត់ដំបង។

ជនសង្ស័យមានឈ្មោះ យឹម ជំនោរ ភេទប្រុស អាយុ២៥ឆ្នាំ ស្នាក់នៅភូមិព្រែកតាតន់ សង្កាត់ព្រែកព្រះស្ដេច ក្រុងបាត់ដំបង ខេត្តបាត់ដំបង។ បច្ចុប្បន្នកំពុងត្រូវបានសមត្ថកិច្ចចាត់ការតាមនីតិវិធីច្បាប់៕