ប៉ៃលិនៈ យោងតាមផេក អគ្គនាយកដ្ឋានកាំកុងត្រូល បានឲ្យដឹងថា នៅព្រឹកថ្ងៃពុធ ១៣រោច ខែផល្គុនឆ្នាំរកា នព្វស័ក ពុទ្ធសករាជ ២៥៦១ ត្រូវនឹងថ្ងៃទី១៤ ខែមីនា ឆ្នាំ២០១៨ សាខាកាំកុងត្រូល ខេត្តប៉ៃលិន សហការជាមួយមន្រ្តីមន្ទីរពាណិជ្ជកម្មខេត្ត ដឹកនាំដោយលោកឈឹម វាសនា ប្រធានសាខា និងសហការីបានចុះត្រួតពិនិត្យទំនិញដាក់តាំងលក់តាមផ្សារប៉ាហ៊ីនិងគេហដ្ឋាន និងធ្វើតេសបឋមលើម្ហូបអាហារសសៃគុយទាវប្រហិតសាច់គោ។ ល។ ស្ថិតក្នុងភូមិអូរតាពុកសង្កាត់ប៉ៃលិន ក្រុងប៉ៃលិន ខេត្តប៉ៃលិន បានរកឃើញទំនិញខូចគុណភាព និងហួសរយៈពេលប្រើប្រាស់រួមមានទឹកក្រូចដបជ័រ ស្រាបៀដប កាហ្វេកំប៉ុងនំស្រួយក្មេង មីកញ្ចប់ ចំនួន៨៩គីឡូក្រាម យកមករក្សារទុកនៅស្នាក់ការដើម្បីចាត់ចែងតាមនីតិវិធីច្បាប់បន្តទៀត៕
មតិយោបល់